سامسونج جلاكسي a20

[٠١١٤٤٦٨١٤٧٤]

الافضل شحن اي انا ساعات اسيبو لصبح وانام وساعات انا معرفش الطريقه الحلو للشحن حد يقولي اشحن ازاي

[Treka]

بص هو مش صح بس الافضل انك لما يشحن ١٠٠% هشيله من الشاحن عشان تحافظ علي عمر البطارية ومتسبش البطارية تفضي خالص عشان تشحنه ممكن تشحنه وهو ٥٠% عادي

[٠١١٤٤٦٨١٤٧٤]

ده بجد يعني مسبوش وانام وبعدين البطاريه مش بتقعد كتير ده ممكن انام وتنقص

[Treka]

طبيعي لو سبته ونمت تصحي تلاقيه ناقص لو واي فاي شغال مثلا او اللوكيشن او ال Always on Display بس يفضل تشحنه ولما يوصل ١٠٠ % تشيله وممكن تشحنه لحد ٥٠% أو ٨٠% وتكمل عادي جدا بص في فيديو ل يوتيوبر اسمه عمر ديزر عامل فيديو حلو جدا عن موضوع البطارية خش شوفه هيفيدك جدا

[Sara-nader]

مساء الخير يا فندم مع حضرتك ساره من سامسونج مصر

بنشكرك جدا على طرح سؤالك

فى البدايه بعتذرلك جدا عن المشكله اللى بتواجه حضرتك

بناءا على سؤالك من الموضح أن حضرتك بتوتجه مشكله فى شحن الجهاز 

أستأذن حضرتك فى اتباع الخطوات الأتيه : 

1.قم بتعديل درجة سطوع الشاشه

2-كل ما كانت الشبكه ضعيفه كل ما كان التليفون بيبذل جهد وبيقوى الشبكه فبالتالى بيسحب من البطاريه 

3-قم باغلاق التطبيقات المفتوحه 

4-قم بالتأكد من عدم وجود أى مشكله فى البطاريه الخاصه بالجهاز أو زر التشغيل 

6-استخدام الشاحن الاصلى بالجهاز 

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[Nehal-ibrahim]

مساء الخير يا فندم . مع حضرتك نيهال من سامسونج مصر

بنشكرك جدا علي طرح سؤالك

بناءا علي سؤالك تقدر تشحن الجهاز عند وصوله من 30 الى 15 % ويفضل فصله عند انتهاء الشحن 

التأكد من استخدام الشاحن الاصلى الخاص بالجهاز

قم بتخفيض درجه سطوع الشاشة

اغلاق الميزات الغير مستخدمة مثل البلوتوث وال GPS

قم بإغلاق التطبيقات المفتوحة والتى تعمل فى الخلفية وغير مستخدمة

قم بالتاكد من عدم وجود اى مشكله فى البطارية الخاصة بالجهاز او زر التشغيل

قم بمراجعه استهلاك البطاريه الخاصة بالجهاز لمعرفة اكثر التطبيقات المستهلكه للبطارية

عن طريق الضغط على الضبط – صيانة الجهاز – البطارية – استهلاك البطارية

قم بإستخدام الجهاز على وضع توفير الطاقة

شكرا  لحضرتك و لوقتك