سامسونج جالاكسي a23

[Lelaa23]

 السلام عليكم يا جماعة انا جبت موبايل سامسونج جالاكسي a23 بقالوا معايا ٩ شهور ومن اول ما جبته وهو بيسخن جدا وهو بيشحن هو والشاحن بتاعه وتاني حاجة بحس بطاريته بتقل بسرعة يعني لو قعد عليه كتير ممكن البطارية بعد العشاء تكون بتاع ٣٠ او ٢٥ في المية وينقص ونا نايمة للعلم مش بكون معليه الإضاءة او مشغلة نت وأحيانا اما بقفله خالص خالص بينقص برضوا بس واحد او ٢ في المية مش عارفة هل ده طبيعي ولا ايه لاني روحت بيه التوكيل رفضوا يعملوا اي حاجة وقالولي كل أجهزة ساسمومج كدة وده توتر زايد منك بالله عليكوا اللي عنده اي معلومة يفيدني فضلا وليس امرا لاني مش عارفة اروح تاني ولا ده طبيعي وبحس الكاميرا الامامية بتاعته فيها زي ضوء اصفر كدة عكس الألوان الطبيعية وانا مش عارفة او بالاصح مش فاهمه لان ده اول جهاز موبايل ليا من سامسونج فبالله اللي عنده معلومة مفيدة يقولي

[تميرك]

هو حضرتك عموما بطارية سامسونج مش افضل حاجة مش معاكي بس ده مع الكل ومعاية انا شخصيا

[Lelaa23]

يعني ده طبيعي يا فندم حتي وهو جديد وموضوع السخونة ده عادي لاني بحسه بيولع هو والشاحن

[الأزهرى]

فى فصل الصيف ومع إرتفاع درجة حرارة الجو فهذا أمر طبيعى لإرتفاع درجة حرارة الهاتف والشاحن معا أثناء عملية الشحن ولذلك خاصة فى الصيف يستحسن أن تكون عملية الشحن خلال الليل أو فى الصباح الباكر حفاظا على بردة الهاتف من التلف بسبب الحرارة العالية .

[Lelaa23]

والله يا فندم انا اشتريته ف الشتاء وكان بيسخن وبشحنه باليل وبيسخن برضوا بس سخونية اقل من النهار طبعا فعشان كدة انا اتوترت وكنت عايزة افهم كلة كدة ولا فعلا في مشكلة

[الأزهرى]

السخونية شئ طبيعى بحيث إنك لو مسكتى الهاتف أو الشاحن كأنك ماسكة كوب شاى بعد هدوء حرا رته وتقدر ى تاخدى منه جرعة عميقة وتشعرى بدفئ الكوب فى يدك دا فى الشتاء أما فى الصيف يحدث العكس .

[تميرك]

طيب حضرتك ممكن توريني الشاحن اللي بتستخدميه

[Lelaa23]

بستخدم الشاحن اللي جيه معاه ف العلبة مش شاحن تاني يعني الشاحن الاصلي

[OsamaGhonem]

لا طبعا مش طبيعي

[Lelaa23]

هو ايه اللي مش طبيعي