سؤال بخصوص جهاز A72

[Maryam_Ahmad]

لو سمحتم بس ممكن حد يفيدني بخصوص الجهاز ، هو أولاً سامسونج من انضف الشركات طبعاً دا رأي الشخصي تمام ، ثانياً انا بقالي ٣ أسابيع معايا الجهاز هو الحق يتقال محترم جداً جداً .. لكن البطاريه بتستهلك بسرعه + في سخونيه ممكن تكون من الجو. + الشحن ممكن يستغرق حوالي ساعتين او ساعه ونص !! هل كل دا طبيعي بالنسبة لحجمها وإن الجهاز شغال تردد 90hz ولا في مشكله حد يفدني بعد اذنكم ، بالإضافة إن حوالين فريم الشاشة في زي خدوش غريبه اكنها تنايات صغيرة جداً جداً ، مع العلم اني محافظة عليه اوي من يوم ما جبته ، فهل كدا في حاجه ف الجهاز بالنسبة البطاريه وهو نفسه ولا ايه .. ، أتمني الافاده وجزاكم الله كل خير .. 

[TiiGEER]

حضرتك الجو صعب جدا والله على الإنسان تخيلي على الاجهزه هيكون عامل ازى + ان هو مش بيسخن ف درجة الحرارة الطبيعيه
و الان درجت الحراره مش طبيعيه بكل المقيس

[Maryam_Ahmad]

احنا ربنا يرحمنا فعلاً ، وربنا يستر علي كل الاجهزة مش بس الموبايلات ، ويعديها وكتر خيرك ، وجزاك الله خيراً للافادة

[Amira-elnagar]

مساء الخير يا فندم مع حضرتك اميرة من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناءا علي سؤالك من الواضح أن حضرتك بتستفسر عن وجود سخونه عاليه فى موبايل حضرتك 

أستأذنك فى عمل الخطوات دى علشان نقدر نحل المشكله الموجوده 

1-قم بالتاكد هل السخونه تظهر عند شحن الجهاز فقط ام عند الاستخدام بشكل عام

2-عند استخدام الجهاز لفتره طويله سوف تحس بسخونه منه يمكن تحملها

3-متاح للجهاز ام لا Software قم بالتاكد هل هناك اى تحديث

4-قم بعمل اعاده ضبط مصنع  للجهاز عن طريق الخطوات الاتيه

1- الضبط 

2-الاداره العامه 

3- اعاده الضبط 

4-اعاده تعييين بيانات المصنع 

5 -اعاده الضبط 

6-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه

ولمعرفه أقرب مركز صيانه خاص بحضرتك من خلال الرابط التالى : 

https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن و

موجودين تحت أمرك وفى خدمتك فى أى وقت 

شكرا  لحضرتك ولوقتك

[1Fady1]

الجو صعب .. خصوصا الشهر ده ف ناس بتموت بسبب الجو ده
انا من الناس اللي مش بتستخدم الجهاز كتير و بلاقيه مولع
ف ده شي طبيعي جدا
انتي بس حاولي تقفلي خاصيه ال ٩٠ هيرتز لانه مالوش لازمه غير ف الالعاب بس و ثانيا هو بيستهلك بطاريه بشكل مش طبيعي
و حاولي تبعدي الجهاز عن الشمس ع قد م تقدري لان الجو حرفيا بيخلي اس حاجه مولعه
و فعلي الدارك مود و قللي الاضاءه شويه و اقفلي المزامنه و خلي التطبيقات اللي مش عايزاها ف وضع السكون او
sleep mode

[Maryam_Ahmad]

هو دا اللي شغاله عليه حالياً ، وفعلاً جزاك الله كل خير جداً جداً

[AhmedFareed13]

لو سمحت هو تليفون حضرتك فيه حساس تقارب حقيقي اقصد هارد وير ولا سوفت وير .. لأني عايز اشتريه بس محتاج اعرف قبل ما اجيبه اكون شاكر لحضرتك اوي

[Maryam_Ahmad]

بص حضرتك هو انا اعتقد فيه ، بس عشان تكون المعلومات صحيحه وكدا عشان بردك تستفاد اتفرج علي اليوتيوب علي مرجعاته ، بصراحه موبايل ممتاز حتي لو فيه عيوب المميزات تغطي يعني دا في العموم يعني ، ومن تجربتي مع موبايلي ، وسامسونج نفسه يعني ، يعني مثلاً انا معايا A70 + A72 وبقارن دا بدا وماشاء الله يعني سامسونج مبدعه ف الاتنين .. بس بردك شوف الدنيا واعرف من الفيديوهات وكدا وقرر أنت يعني ، عن نفسي كنت هجيب A71 لكن استنيت شويه عشان اشوف الاحدث ومستعجلش يعني مش اكتر ، وبعد A72 ظهر وماشاء الله يعني ، وبردك في اخبار عن A52s ، شوف ، وبرأيك أنت تقرر تاخده ولا تستني حاجه احدث ولا ايه ، بس عموماً من تجربتي موبايل ممتاز .. وربنا يرزقك الأفضل ..