حد يفيدني

[Ola-]

السلام عليكم

انا تليفوني بيقفل لثواني ويفتح تاني مره وانا بصور قفل وفتح تاني ودي كانت اول مره من يومين وانهارده 3 مرات مرتين ورا بعض كنت باخد سكرين شوت وفتح وقفل لثواني عادي ودلوقت بردو ف مش فاهمه الحقيقه ف ايه ومضايقه انا اول ماجبت الجهاز جميل ومفهوش اي عيب بالنسبالي ولسه مكملش اسبوع ممكن حد يقولي واجه المشكله دي ولا ايه ودي صورة ظهرتلي وانا بفتح هنا

موبايلي سامسونج a52 

[مصطفى086]

لو جايله تحديث اعمله

[Ola-]

عملته اول ما جبت التليفون

[almahdy]

الرساله بتقول انك مثبت برامج غير موثوق فيها امسها أو اعمل ضبط مصنع افضل

[Ola-]

معنديش برامج منزلها غير من جوجل بلاي والبرامج العاديه لو عملت ضبط مصنع هيتظبط يعني؟

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك يرجى  اعادة ضبط المصنع للجهاز.
الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch
http://www.samsung.com/eg/support/smartswitch/

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك

[Ola-]

تمام عملت ضبط مصنع يامسهل اصلا الموبايل مكملش ٨ ايام !

[Ola-]

@samah-ahmed عملت ضبط مصنع واتكرر نفس الموضوع اعمل ايه؟

[Amira-elnagar]

مساء الخير Ola- مع حضرتك اميرة  من سامسونج مصر

بنشكرك جدا على طرح سؤالك وبنتمنى لحضرتك يوم سعيد

بناءا على سؤالك من الموضح استأذنك فى اتباع الخطوات الأتيه

USBهل تم تجربة شاحن اخر من الجهاز او

هل البطارية اصلية ام لا

هل هناك اى مشكله او كسر فى سوكت الشحن

هل هناك مشكله فى الشاحن المستخدم

هل هناك اى انتفاخ فى البطارية

التاكد من ان الشاحن اصلي

في حالة استمرار المشكلة

يرجى اعادة ضبط المصنع للجهاز.

الضبط

← الاداره العامة

← إعادة الضبط

← إعادة تعيين بيانات المصنع

←إعادة ضبط

← مسح الكل.

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch

http://www.samsung.com/eg/support/smartswitch/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[بهادر]

انا نفس المشكلة بس فى A51 ،لو اتحلت معاكى المشكلة معلاش ابقى ردى هنا فى التعليق قوليلى عملتى ايه