حد يعرف ايه دة عندي مشكله ظهرت فجأه الشاشه كل شويه تقلب اسود و ترجع تاني

[Anonymous]

عشان التحديث اللي بيت لخرائط جوجل

[lamyaelalfy]

لا ازاي دة حتي لو مفتحتش الخرايط و لا موجودة في الخلفيه بيعمل كدة

[poooom]

روح اي محل سامسونج (((((معتمد))))) وهيحللك المشكله

[lamyaelalfy]

هياخدو الموبيل و يعطلوني؟؟؟

[poooom]

بص هما ممكن يحلوهالك انت وواقف وكده كده لو اخدوا الموبايل وقلولك تعال بعدين مش مشكله انت كده كده متعطل بسبب المشكله دي وموركش حل تاني ❤

[Anonymous]

نزلي نسخة تانية من الواتس اب من اي موقع غير جوجل بلاي وشوفي حيعمل ايه

[Sara-nader]

صباح الخير يا فندم مع حضرتك ساره من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناءا علي سؤالك من الواضح أن حضرتك بتستفسر عن وجود مشكله فى الشاه الخاصه بجهاز حضرتك 

أستأذنك فى عمل الخطوات دى علشان نقدر نحل المشكله الموجوده : 

هنقوم بعمل ضبط مصنع عن طريق الخطوات الاتيه : 

يرجى عمل ضبط مصنع للجهاز عن طريق الخطوات الاتيه : 

1- الضبط 

2-الاداره العامه 

3- اعاده الضبط 

4-اعاده تعييين بيانات المصنع 

5 -اعاده الضبط 

6-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

نتمنى حل المشكله عند حضرتك فى أقرب وقت ممكن 

موجودين تحت أمرك وفى خدمتك فى أى وقت 

شكرا  لحضرتك ولوقتك