جماعه بجد محتاج مساعده اشتريت samsung a51 مستعمل وعمال يرستر يامه

[Youssef2004]

جماعه محتاج مساعده ضروري علشان انا مقهور دلوقتي انا اشتريت سامسونج a51 مستعمل 

عملت كل الفحوصات وعملت كل حاجه وانا واقف مع الراجل وكان شغال حلو والموبيل مفهوش خربوش حتي توكلت علي الله واشتريته 

روحت روحت قعدت ٥دقايق الموبيل بدأ يرستر معايا 

وعمال يعملها كذا مره فانا عاوز حل للرستره دي والراجل بكلمه بيحلف بالمصحف ان الجهاز مفهوش اي حاجه وانه شغال زي الفل طب بقولوا عاوز ارجعه يقولي انا صرفت الفلوس دفعت الفلوس في مقدم ايفون وعمال يحلفلي بالمصحف فانا عاوز حل دي هتبقي صيانه ولا عاوز سوفت وير كمبيوتر ولا ايه علشان انا دلوقتي مخنوق اوي وممكن امسك الجهاز اكسره دلوقتي

[Dream1954]

اكشف على البطاريه هي لما بتنتهي صلاحيتها الجهاز يرستر لوحده على طول

[mayi]

نصيحة لله بلاش حد يشترى مستعمل وخصوصا فى مصر ..بياخدوا لحم ويرموا عضم ...اكيد نسخة الاندرويد قديمة او مالهوش تحديث اندرويد ...
روح التوكيل وشوف حل له

[Mohamed_Youssef]

ده عيب مشهور في ال A51 وحصل مع واحد صاحبي ..
للأسف دي مشكلة في اللحامات بتاعة الرامات والبروسيسور في البوردة.
قدامك حل من اتنين
١. توديه التوكيل يتصلح "هيغيروا البورده" وده مكلف جدا.
٢. توديه محل صيانة محترف وحل المشكلة دي قبل كدة وهتكون التكلفة أقل ٥ مرات من التوكيل.

[Anonymous]

حاول تعمل ضبط مصنع الاول بس ما ترجعش نسخ إحتياطية عشان ما ينقلش نفس الأخطاء.
و كمان أمسح فولدر ànroid من كارت الميموري

[Amira-elnagar]

Youssef2004

مساء الخير يا فندم مع حضرتك اميرة من سامسونج مصر
بنشكرك جدا علي طرح سؤالك ونتمنى لحضرتك يوم سعيد
فى البدايه بعتذر لحضرتك جدا عن المشكله اللى بتواجهك
بناء على سؤالك أستأذن حضرتك فى التوجه لاقرب مركز صيانه 
للتمكن من فحص الجهاز ومساعده حضرتك 
للتعرف على أقرب مركز صيانه خاص لحضرتك من خلال الرابط التالى : 
https://www.samsung.com/eg/support/service-center/
ولو عند حضرتك أى استفسار أخر
موجودين تحت أمر حضرتك وفى خدمتك فى أى وقت
شكرا لحضرتك ولوقتك

[محمدمدحت٢٠٢٠]

اسرع شركه تتخلى عن العميل

[MOHAMD23]

انا معي نفس الجهاز اعمل ضبط مصنع