بالعكس النسخ الأوروبية لاحظت بيها كتير مشاكل و هى ضعف جودة الشبكات و اثانياً موضوع التحديثات لازم يتم عن طريق Samsung Switch
النسخ الأوروبية مميزة فى الدول الأوروبية فقط و نسخ الشرق الأوسط هى الأفضل و الأنسب لدول الخليج و العربية ومنها مصر
حتى في النسخ الأوروبية بيانات الهاتف لازم تفتحها من الاعدادات نفسها و غير موجود إنك تتحكم فى جودة الشبكة إذا كانت 4G أو 3G أو 2G
جميع النسخ الأوروبية تأتي فقط 5G ولو انت في مكان شبكته ضعيفة هيحول فقط على 4G وهتلاقي برضو شبكة سيئة وبيحول اوتوماتيك على حسب المكان مفيش إنك تتحكم فيها
التحديث عندك مش هيوصل الا عن طريق إنك توصل جهازك بتطبيق Smart Switch هتحمله على الكمبيوتر و تحمله على جهازك وتوصل بوصلة USB والتطبيق من خلاله تقدر تعمل التحديث لو نزله له التحديث
وهتلاقي عندك كمان شبكة مختلفة اذا كانت AT&T أو T-Mobile الشبكات ده بتشتغل بشكل ممتاز فى الدول المخصصة ليها وده هتفيدك في حالة واحدة اللى هى لو انت بتسافر دول أوروبية كتير بتقدر تستفاد بجودة عالية من الشبكات غير كده في مصر أو حتى الدول العربية أو دول الخليج مش هتفيدك في حاجة و هتلاقي كتير مشاكل
انا بندم إني اشتريت S20 Plus نسخة أوروبية 5G كنت فاكر إنها هتكون أفضل حاجة لكن موضوع الشبكات عندى مقرف الصراحة شوية ضعيفة ومتوسطة حتى في الأماكن الجيدة وقوية في الأماكن المفتوحة مثلاً شارع رئيسي واسع في مكان واسع ومفتوح
العفو انا قلت أشرحها أفضل حتى ممكن تستفيد بأى معلومة وأنا بنقل لك تجربة أنا خوضتها ومريت بيها
ونصيحتى ليك في المرة القادمة ابعد عن أى نسخة أوروبية مليانة مشاكل و هتتعب في موضوع التحديثات جامد و ثانيا الضمان من ناحية الضمان مش هتستفيد بيه لإنه مش محلى وفي الفترة اللى جاية الشركات هتعمل صيانة للمنتجات المحلية فقط طبعاً مش دلوقتي لكن هيعملوا كده علشان الدولة تدخل عملة صعبة للبلد وبحجة إننا بنستورد أكتر مابنصنع وكلام كبير تاني
