جالاكسى a25

[AliAlahlawy]

لو سمحتوا يا شباب اللى معاه سامسونج a25 اخبار الشبكه بتاعته ايه ضعيفه جدا ولا عاديه زى باقى موبايلات سامسونج عموما وخصوصا الواى فاى والداتا 

[Evrenos]

أجهزة سامسونج عموما ماعدا الفلاجشيب الشبكات ضعيفة سيكا

[salemshaban]

الواي فاي معاك ضعيف لازم تمون قريب من الرواتر لكن الداتا كويسة عادي

[AliAlahlawy]

يعنى بوجهة نظرك لو الراوتر ف الدور الارضى والفون ف الدور التانى ميلقطش نهائى ولا ممكن يلقط

[FaresMohamedKelany]

لا دي علي حسب الراوتر كل راوتر بيدعم إتصال لمسافة معينة يعني مثلا راوتر شركة فودافون الحديث إلي سعره حاليا 850 جنيه بيدعم إتصال شبكة حتي 50 متر

[AliAlahlawy]

تسلم، بس اصل من ضمن عيوب الموبايل ده بالذات ضعف الواى فاى فكنت خايف يكون ضعيف عن باقى موبايلات سامسونج

[FaresMohamedKelany]

لا ده مش عيب في الموبايل قوة الواي فاي فيه بتكون علي حسب قوة الشبكة في منطقتك و أنا معايا نفس الجهاز و مفيش أي مشكلة فيه

[AliAlahlawy]

تسلم والله طمنتنى بس اصل مشوار الواى فاى ده موجود ع موقع موبيزل من ضمن العيوب الواى فاى فخلانى قلقت من الموبايل اذا حبيت اشتريه

[FaresMohamedKelany]

علي إيه بس يا غالي تحت امرك في اي وقت
يعم فكك منهم دول والله لو إشتريت أقوي موبايل من سامسونج إلي هو S24 ULTRA حيكرهوك فيه و حيحسسوك إن الموبايل مليان عيوب و هو ما شاء الله ممتاز نصيحة مني متسمعش للناس دي لإنها بتطبل و بتهبد

[AliAlahlawy]

والله بينى وبينك انا مبسمعش لاى حد بس موقع موبيزل بصراحه الواحد بيثق فيه وخصوصا المراجع احمد سعيد وهو ماسك سامسونج اصلا وبيشكر ف الشركه فانا خدت كلامه ثقه وخصوصا انه جاب فون a34 وحطه جنب فون a25 فعلا واى فاى ال a25 جايب شبكة قليله عن ال a34 فانا قلقت م الواى فاى بتاعه بصراحه