جالاكسى a25

[AliAlahlawy]

لو سمحتوا يا شباب اللى معاه سامسونج a25 اخبار الشبكه بتاعته ايه ضعيفه جدا ولا عاديه زى باقى موبايلات سامسونج عموما وخصوصا الواى فاى والداتا 

[FaresMohamedKelany]

أنا لا أثق في أي حد من الناس دي سواء قناة موبيزل أو غيرها غير واحد بس و هو التقني أشرف مصطفى
و قناة موبيزل للأسف برضوا مزكرتش في الفيديو إن هاتف سامسونج A34 لا يحتوي علي مدخل السماعة 3.5 مل و تحديثات أندرويد لحاد أندرويد 17 فقط لاكن A25 بيحتوي علي مدخل سماعة 3.5 مل و تحديثات أندرويد لحاد أندرويد 18 و كمان من وجهة نظري مفيش فرق بينهم يستحق إني أدفع 4 الف جنيه زيادة

[AliAlahlawy]

هو فعلا برنس وبسمع كل فيديوهاته وسمعتله المقارنه بين a24 / a25 وقال ال a25 افضل طبعا بس كنت محتاج حد يكون معاه الفون وجرب الشبكه بنفسه لمده كبيره يطمن الواحد ع الجهاز بصراحه

[FaresMohamedKelany]

أنا عن نفسي معايا الجهاز ليه شهر و نص وممتاز جدا بس لازم تكون في مكان الشبكة فيه تكون ممتازة عشان متلاقيش تقطيع و بطئ في الشبكة

[AliAlahlawy]

والله انا معظم شغلى ف الصحرا وشبكه ضعيفه بس معاى سامسونج J6 plus وشبكته كويسه بفضل الله مش مضايقانى فاذا شبكة ال a25 هتكون بنفس مستوى الفون اللى معايا يبقى تمام خالص بفضل الله عز وجل

[FaresMohamedKelany]

تمام ربنا يكرمك و يوفقك

[FaresMohamedKelany]

أنا معايا سامسونج A25 5G نسخة 8 رام و 256 جيجا و خلي بالك ده علي حسب قوة الشبكة في المكان إلي إنت موجود فيه يعني لو كنت في مكان الشبكة بتاعته ممتازة حتلاقي الواي فاي و الداتا ممتازين و لو كنت موجود في مكان الشبكة بتاعته سيئة حتلاقي الواي فاي و الداتا سيئين
أنا عن نفسي المكان إلي فيه الشبكة فيه ممتازة عشان كده الواي فاي و الداتا عندي ممتازين

[AliAlahlawy]

طب معلش ف المكان السيئ مقارنتوش بالموبايل اللى كان معاك قبل كده وخصوصا لو كاان سامسونج بحيث نعرف زيه زى باقى موبايلات سامسونج ف الشبكات ولا هو فعلا اضعف منهم

[FaresMohamedKelany]

لا كلهم زي بعض ماعدا فئة فلاجشب

[salemshaban]

ممكن يلقط ضعيف جدا وممكن ميلقطش