توقف الشاشة المفاجئ

[baasseem]

بتتكرر معايا مشكلة في الموبايل بتاعي وهي إن الشاشة بتتجمد تماما ومش بتستجيب لأي تاتش

بضطر إني اقفل الموبايل وافتحه تاني عشان الشاشة ترجع تشتغل كويس لدرجة إن الموضوع ده ساعات بيتكرر في نفس الوقت عدة مرات 

للأسف دي حاجة جديدة عليا ومكانش بيعمل كده أول ما جيبته من سنة 

هو نوعه A05 

[Maged95]

روح التوكيل علي طول

[baasseem]

اعتقد إنه طلع من الضمان

[Maged95]

برا الضمان عادي

[baasseem]

خلاص ماشي.. حروح أشوف يقولولي إيه

[ahmad450]

.

[cgxv]

يا عم توكيل ايه خش على الضبط ثم الشاشه والسطوع ثم هتلاقي عندك حاجه اسمها اعداد حساسيه اللمس هتفعله وبس كده بالنسبه للتجمد هو حله اصلا ضبط المصنع مش التوكيل فاهمني انت لو رحت للتوكيل هيعمل لك سوفت وير لو انت ما حدثتش توكيل ايه يا عم انت بس اللي بتتكلم فيه

[baasseem]

حبيبي والله.. خلاص حجرب اللي إنت بتقولي عليه دا وحقولك وصلت لإيه

[cgxv]

برده في اعداد تاني انت هتخش على الضبط ثم العنايه بالجهاز ثم التحسين التلقائي ثم اعاده تشغيل التلقائي وهتفعل حاجه اسمها اعاده التشغيل عند الحاجه وحاجه اسمها اعاده تشغيل وفقا للجدول وهتحدد بقى جدول انت ما بتمسكش في الموبايل او بتنام فيه عشان تجهز الستارت فيه ويكون انشط معك

[baasseem]

حعمل كده حاااضر