Original topic:

تنويه هام لمستخدمي جهاز A15

(Topic created on: 4 weeks ago)
427 Views
Memo19496
Active Level 4
Options
جالاكسى A

image

لو شاري جهازك جديد ولسه معداش عليه 14 يوم او شهر
ف حابب اقولك الجهاز فيه مشكلة في التاتش
والمشكلة مجهولة السبب وغالبا مشكلة ف الشاشة مش سوفت وير بل مشكلة هاردوير ف الغالب
لأن نزل عدة تحديثات والمشكلة مازالت موجودة

هتقولي يعم جهازي زي الفل وسليم مفيهوش حاجة فال الله ولا فالك .. رد بمنتهي البساطة فيه ناس ظهرت لهم المشكلة بعد شهر كامل او اكتر شوية كمان
ففي النهاية انت حر عزيزي القارئ وما عليا إلا البلاغ
المهم نبدأ بالحالتين المحتملين

الحالة الأولي : الجهاز لم يتجاوز 14 يوم من تاريخ الشراء

في الحالة دي حقك كمستخدم ترجع الجهاز بدون إبداء سبب
ومش من حق المكان اللي اشتريته منه يعترض ويقولك مش هرجع .. دي قوانين حماية مستهلك وكله بيمشي عليها ورجله فوق رقبته هترجعه يعني هترجعه

الحالة التانية : الجهاز لم يتجاوز 30 يوم
الحالة دي اصعب شوية هتتطلب منك تصور مشكلة التاتش وتصور الإصدار اللي ع الموبايل والتاريخ معاهم
وتسلم الجهاز في مراكز الصيانة بتاعت سامسونج
وتكلم الشركة علي 16580 وتقولهم انك عاوز ترجع الموبايل وركز اوي ف ترجع دي عشان الشركة هتقولك يفندم نستبدل بجهاز غيره ودا فخ عشان تبدل ويمر عليك ٣٠ يوم وتلبس زي اخواتك

كام نقطة مهمين

- لازم يكون معاك فاتورة ضريبية او فاتورة سامسونج لو جايبه من موقع سامسونج ولو مش معاك روح اطلبها من المحل اللي اشتريته منه

- لازم يكون الجهاز مفيهوش خدش ويكون سليم 100 في الميه

- ارفض الإستبدال بشكل قاطع عشان هيعوزوا يلبسوك جهاز غيره هو هو بردو بس عشان يعدوا لك ال 30 يوم ومتعرفش تاخد فلوسك

- في اي حالة رفض من المحل او من سامسونج كلم جهاز حماية المستهلك وهيديهم علي دماغهم وهيخليهم يرجعوا الجهاز غصب عنهم

واخر حاجة كل دا يكون قبل ال 30 يوم لو عدوا انت لبست والجهاز معاك للأبد ومش هتعرف تعمل حاجة بعد ما يعدي الشهر

انا لبست ولله الحمد ف بحاول الحق الناس علي قد ما اقدر
12 Comments
TheMagic
Active Level 4
جالاكسى A
كلام مظبوط وعن تجربة
Memo19496
Active Level 4
جالاكسى A
والله يا صديقي شرخ عبيط ف العدسة منعني من اني ارجعه ف الحمد لله والواحد بيحاول يلحق الناس عشان ميحصلهمش نفس اللي حصله .. وللاسف هحاول اتعايش مع الموبايل
0 Likes
ArwaNasreddin
Active Level 6
جالاكسى A
أنت شخص محترم، وإن شاء الله ربنا يعوضك خير
Memo19496
Active Level 4
جالاكسى A
ربنا يخلي حضرتك يا استاذة
ahmedosmanp
Beginner Level 3
جالاكسى A
هو بيعلق كتير وروحت سامسونج عملي تحديث من عندهم وحسيت بيعلق تاني بقالوا تقريبا اسبوع
Memo19496
Active Level 4
جالاكسى A
اعمل الخطوات اللي قلت عليها في البوست
Memo19496
Active Level 4
جالاكسى A
صديقي انت رحت رجعت جهازك من حماية المستهلك ومحضرتش التحديث اصلا ولا شفت موجودة ولا لا .. انا بقي معايا الجهاز وبقولك المشكلة متحلتش وفر تعليقك لنفسك لو سمحت .. كنت نفعت نفسك ومرجعتش جهازك1716963388834.jpg
Memo19496
Active Level 4
جالاكسى A
صاحبك بقي لو كلف نفسه ودور ف الإعدادات هيلاقي انه بعد التحديث الشركة قافلة خصائص بشكل إفتراضي واللي اصلا كنت انا منزل عليها موضوع قبل كده وانا اللي اكتشفتها مع التجربة
هتلاقي اللمس العرضي او Accidentall touch
وحساسية اللمس Touch Sensitivity
والرفع للتنشيط Lift to Wake
كلهم مقفولين إفتراضي بعد التحديث وضبط المصنع .. ولو رجعت شغلتهم هتلاقي المشكلة مازالت موجودة
هل اني الغي تفعيل خصائص دا حل للمشكلة ؟ لو حضرتك شايف كده قدم علي وظيفة ف الشركة واكيد هتتقبل لأنه نفس تفكير الشركة المحترمة
يعني الشركة بتحل مشاكل الموبايل بالخصائص اللي انا ذكرتها مسبقا ومشتغلتش علي انها تحلها بشكل فني والله ضحك بس المفروض يصرفولي هدايا ع الحاجات اللي بحلها لهم دي 😂😂
0 Likes