تليفوني جالاكسي a51

[dorashady]

لما باعمل call بيبقي في صدي صوت عند اللي باكلمه بيسمع صدي صوته هو وصوتي بيفصل لحد ما اهز التليفون يرجع الصوت تاني وساعات بيحصل معايا انا اسمع صدي صوتي بس .. 

ممكن حد يفيدني 

شكرا 

[Anonymous]

احتمال مشغل الاسبيكر "السماعة الخارجية"

[dorashady]

لا اعتقد في حاجه تانيه لاني حاليا لما اشغل اي ميديا فيها صوت بيبقي فيها زنه كمان

[nemo0]

وديه للصيانه ف التوكيل .. لان ممكن يكون عيب صنع

[dorashady]

ف الغالب هاعمل كدا
مرسي

[moens]

اعملي استارت مره كده وجربي

[dorashady]

عملت كتير ما اتصلحش
مرسي

[Samah-Ahmed]

مساء الخير يا فندم مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك

بناءا على سؤالك

 أستأذن حضرتك فى عمل الخطوات الأتيه علشان نقدر نساعد حضرتك : 

1-الضغط على#0283#*

2-بيظهر لحضرتك 3 اختبارات

3- ممكن حضرتك تقوم بإختيار SPK المايك

 4-ممكن حضرتك تقوم بإختيار RCV السماعه بتاعت الهاتف

5- ممكن حضرتك تقوم بإختيار EAR الهاند فرى

وحضرتك هتردد اى جملة وفى حالة تكرار الجملة من الهاتف مرة اخرى هذا يعنى عدم وجود مشكلة بالهاتف

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[dorashady]

اعتقد ان في عيب ف الصناعه لان الفيديوهات بقالها اسبوع بيحصل معاها زنه ف الصوت كأن في سلوك ملمسه
ارجو توجيهي لاقرب فرع لسامسونج قريب للمعادي
وشكرا

[dorashady]

عملت الاختبار والصوت فيه كان كويس
بس عملت كول بعد كدا والصدي لسه موجود