تحديث A71

[Omararef]

انا شاكك ان التحديث هيتاخر تقريبا لبعد الشهر ده انا كنت ناول انزل روم عليه بس اكتشفت ان ٤ دول بس اللي نزلها اندرويد ١٢ للجهاز ده كانت بولندا وروسيا وبلدين كمان حتى ملقتش فيتنام نزلها كان اخره اندرويد ١١ . الجهاز ده تقريبا مظلوم في حجات كتير والله بس قوي جدااااا وبحسو افضل من الموديلات اللي نزلت بعده وصامد لحد دلوقتي فاكيد هينزلو تحديث كويس 

[Samah-Ahmed]

مساء الخيريا فندم مع حضرتك سماح  من سامسونج مصر
بنشكرك جدا على مشاركتك معانا وبنتمنى لحضرتك يوم سعيد
تحديث الاندرويد 12 الخاص بجهازA71
 هيتم اصداره خلال هذا  الشهرابريل 2022
والتحديث بيعالج مشكال كتير ابرزها
 1-أداء البصمة بيكون افضل
2-تسجيل البصمة بيكون بدون مشاكل
3-الكاميرا أدائها بيكون أفضلٍ
4-وأخيرا تحسن ملحوظ في أداء البطارية
أستأذن حضرتك فى تفعيل التحديث التلقائى وبمجرد صدوره على الاجهزه هيتم تحميله 
ولو عند حضرتك أى استفسار أخر
موجودين تحت أمرك وفى خدمتك فى أى وقت
شكرا لحضرتك و لوقتك

[Muhammad_Moustapha]

فعلا من اقوى الاجهزة لكنه مظلوم جدا

[Anonymous]

في احتمال يكون فعلآ في تأخير
ولو اتأخر بره يبقي هيتأخر كتير عقبال ما ينزل هنا
لو مستعجل يبقي اخلص واعمل زي ما عملت في ال ٥٢ ومش هتندم

[Omararef]

انا بقيت واثق ان ده اللي هيحصل . بس الفيتنامي لسة منزلش اصلا

[Anonymous]

ماشي لسه منزلوش
روح انت علي الفيتنامي او الهندي واول ما ينزل هتبقي جاهز ويوصلك هوائى
يا عم الحج انا علي ال ام ٣١ نزلي ١٢ من ١٠ ابريل وميعاده في مصر شهر ٦ ويا عالم يمكن في اخره كمان عشان يبقي الفرق حوالي ٦٠ يوم
الي ٨٠ يوم لو اخره
انجز 😡 😀

[Omararef]

انا هستنى لحد اخر الشهر ده لو محصلش جديد هنزل الفيتتامي فعلا ويجيلي هوائي لانو اكيد لو منزلش الشهر ده يبقى فيها شهرين تاخير . وهحمل الفيتنامي عشان يبقى جاهز معايا

[cecilkumar]

طريقة تحميل الفيتنامى إزاى

[Omararef]

هو لسة منزلش اندرويد ١٢ ليه بس هبعتلك اسم موقع تحمل منه اندرويد ١١ وزي الاستاذ رامي مقلي في التعليق السابق نزل الفيتنامي اندرويد ١١ بحيث اول مهينزل عندهم هينزلك معاهم برضو هتستقبلو هوائي تحمله علطول ومن المتوقع انو هينزلهم قبل مصر بشهور انا بقيت متاكد انو هيتاخر شهرين تقريبا لانو زي مقلت فوق نزل ل٤ دول بس لحد دلوقتي فانت متخيل هينزل مصر بعد كام سنة 😂😂😂

[cecilkumar]

شكرا جزيلا لذوق حضرتك