Original topic:

تحديث جلاكسي A70

(Topic created on: 04-06-2020 09:31 PM)
284 Views
elhawary
Expert Level 5
Options
جالاكسى A
طبعا اغلب الناس وان لم يكن الكل نزل له اندرويد ١٠ على مدي اليوم الماضي واليوم 
ملحوظه مهمه بعد التحديث الجديد
البرامج المثبتة على الهاتف والبرامج الافتراضية الموجودة بالهاتف والألعاب جميعهم مثبتين على اندرويد ٩ وداعمين لأندرويد ٩ فشئ طبيعي تلاقي التليفون بيهنج أو يتوقف فجأه أو به لاج أو البرامج والألعاب الموجوده عليه لاتعمل أو تعمل بطريقة سيئة أو البطارية أصبحت مش ولا بد ودا شئ طبيعي
الحل هو 
عمل نسخة احتياطية من كافة بياناتك وملفاتك على الهاتف وتكون حافظ الجيميل والرقم السري كويس وكذلك الحال بالنسبة لحساب سامسونج وتعمل فورمات للتليفون وهو مغلق عن طريق الريكفري وتبدأ من جديد على نظافه 
ساعتها كل برنامج أو لعبه هتنزل على تليفونك هتكون متوافقه مع اندرويد ١٠ 
أه نسيت أقول حاجه 
طبعا ممكن تقابلك بعض الاخطاء أو المشاكل في التحديث بعد الفورمات ودا شئ محتمل ، لو راجعت ولاقيت الموضوع عند كل الناس فتأكد أنهخطأ بالتحديث وهيتم اصلاحه في التحديث الأمني القادم 
الكلام دا عن تجربه بأكثر من جهاز استعملته منهم الاس ١٠ بلس والنوت ١٠ بلس فايف جي والنوت ٨ و .... 
وبالتوفيق للجميع وبأعتذر على الإطاله

image


  
9 Comments
moutazed
Active Level 8
جالاكسى A
كلام مظبوط عند الترقية من إصدار اندرويد لإصدار أعلى لازم فورمات وده بيحسن أداء الجهاز بالكامل للأفضل
0 Likes
elgohary1
Active Level 6
جالاكسى A
لا خالص متفرمتش اعمل تحديث للبرامج بس
0 Likes
moutazed
Active Level 8
جالاكسى A
غلط الكلام ده مش صح الأفضل عمل فورمات كامل
0 Likes
moutazed
Active Level 8
جالاكسى A
ده رابط من روابط ومواضيع كثيرة تتحدث عن أهمية عمل فورمات من الريكفري مود بعد التحديث وفرق الأداء الرهيب بعده

https://www.androidpit.com/what-to-do-before-an-android-update

https://appuals.com/factory-reset-update-android/
0 Likes
elgohary1
Active Level 6
جالاكسى A
يا صديقى اولا انت حر فى رايك . بس صدقنى ملوش اى لزمه ما دام تليفونك مش مهنج ولا فيه مشاكل حصلت معاك . لازم تبقى فاهم ان الفورمات ذى ما هو جميل وبيفوق هو برضه ليه مضار . وممكن فى حركه فورمات غلط تفور تليفون . انا معايا تابلت اتفرمت غلط وباظ لا عارف انزله سوفت جديد ولا نافع بشلن . اللى يقولك فرمت ده بيريح دماغه مش اكتر
0 Likes
elhawary
Expert Level 5
جالاكسى A
انا آسف كلامك مغلوط
الفورمات دا عشان يحسن تجربة المستخدم وينظف الجهار من الملفات اللي ملهاش لازمه وعشان البرامج اللي غير متوافقة مع اندرويد ١٠ تتمسح
اه نسيت أقولك انت عارف ان اندرويد ١٠ بيلغي برامج من السيستم وان ضروري فورمات عشان تمسحها من ذاكرة الجهاز
عموما كل واحد حر في وجهة نظره وانا احترم وجهة نظرك لكن انا بأتكلم عن تجربه بأكثر من جهاز
elgohary1
Active Level 6
جالاكسى A
متصعبوش المواضيع على الناس يا جماعه
0 Likes
elhawary
Expert Level 5
جالاكسى A
يا صديقي مش صعوبه ولا حاجه انا قلت رأيي عن تجربه ويهمني ان انا انقلها للناس للاستفاده فقط
Samah-Ahmed
Expert Level 5
جالاكسى A

مساء الخير يا فندم

مع حضرتك سماح من سامسونج مصر

وبنتمنى لحضرتك يوم سعيد

نتمنى التحديث ينول اعجاب حضرتك 

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

 

0 Likes