Highlighted
Active Level 10
طبعا اغلب الناس وان لم يكن الكل نزل له اندرويد ١٠ على مدي اليوم الماضي واليوم 
ملحوظه مهمه بعد التحديث الجديد
البرامج المثبتة على الهاتف والبرامج الافتراضية الموجودة بالهاتف والألعاب جميعهم مثبتين على اندرويد ٩ وداعمين لأندرويد ٩ فشئ طبيعي تلاقي التليفون بيهنج أو يتوقف فجأه أو به لاج أو البرامج والألعاب الموجوده عليه لاتعمل أو تعمل بطريقة سيئة أو البطارية أصبحت مش ولا بد ودا شئ طبيعي
الحل هو 
عمل نسخة احتياطية من كافة بياناتك وملفاتك على الهاتف وتكون حافظ الجيميل والرقم السري كويس وكذلك الحال بالنسبة لحساب سامسونج وتعمل فورمات للتليفون وهو مغلق عن طريق الريكفري وتبدأ من جديد على نظافه 
ساعتها كل برنامج أو لعبه هتنزل على تليفونك هتكون متوافقه مع اندرويد ١٠ 
أه نسيت أقول حاجه 
طبعا ممكن تقابلك بعض الاخطاء أو المشاكل في التحديث بعد الفورمات ودا شئ محتمل ، لو راجعت ولاقيت الموضوع عند كل الناس فتأكد أنهخطأ بالتحديث وهيتم اصلاحه في التحديث الأمني القادم 
الكلام دا عن تجربه بأكثر من جهاز استعملته منهم الاس ١٠ بلس والنوت ١٠ بلس فايف جي والنوت ٨ و .... 
وبالتوفيق للجميع وبأعتذر على الإطاله

image


  
8 التعليقات
Highlighted
Active Level 7
كلام مظبوط عند الترقية من إصدار اندرويد لإصدار أعلى لازم فورمات وده بيحسن أداء الجهاز بالكامل للأفضل
رد
جارٍ التحميل...
Highlighted
Active Level 6
لا خالص متفرمتش اعمل تحديث للبرامج بس
رد
جارٍ التحميل...
Highlighted
Active Level 7
غلط الكلام ده مش صح الأفضل عمل فورمات كامل
رد
جارٍ التحميل...
Highlighted
Active Level 7
ده رابط من روابط ومواضيع كثيرة تتحدث عن أهمية عمل فورمات من الريكفري مود بعد التحديث وفرق الأداء الرهيب بعده

https://www.androidpit.com/what-to-do-before-an-android-update

https://appuals.com/factory-reset-update-android/
رد
جارٍ التحميل...
Highlighted
Active Level 6
يا صديقى اولا انت حر فى رايك . بس صدقنى ملوش اى لزمه ما دام تليفونك مش مهنج ولا فيه مشاكل حصلت معاك . لازم تبقى فاهم ان الفورمات ذى ما هو جميل وبيفوق هو برضه ليه مضار . وممكن فى حركه فورمات غلط تفور تليفون . انا معايا تابلت اتفرمت غلط وباظ لا عارف انزله سوفت جديد ولا نافع بشلن . اللى يقولك فرمت ده بيريح دماغه مش اكتر
رد
جارٍ التحميل...
Highlighted
Active Level 10
انا آسف كلامك مغلوط
الفورمات دا عشان يحسن تجربة المستخدم وينظف الجهار من الملفات اللي ملهاش لازمه وعشان البرامج اللي غير متوافقة مع اندرويد ١٠ تتمسح
اه نسيت أقولك انت عارف ان اندرويد ١٠ بيلغي برامج من السيستم وان ضروري فورمات عشان تمسحها من ذاكرة الجهاز
عموما كل واحد حر في وجهة نظره وانا احترم وجهة نظرك لكن انا بأتكلم عن تجربه بأكثر من جهاز
رد
جارٍ التحميل...
Highlighted
Active Level 6
متصعبوش المواضيع على الناس يا جماعه
رد
جارٍ التحميل...
Highlighted
Active Level 10
يا صديقي مش صعوبه ولا حاجه انا قلت رأيي عن تجربه ويهمني ان انا انقلها للناس للاستفاده فقط
رد
جارٍ التحميل...