تجربتك مع موبايل سامسونج a52

[Ola-]

ياريت كل شخص هنا معاه موبايل سامسونج a52 لسه جديد أو معاه من شهور يقولنا تجربته معاه كانت ايه ، وايه المشاكل اللي واجهته سواء قبل او بعد اي تحديث ونفيد بعض بما اني تليفوني جديد ولسه بعرف فيه حاجات واعرف منكم حاجه تفيدني وتفيد الغير مثلا وشكرا

مستنيه ارائكم.😀

[Ola-]

اوك شكراً ليكي

[Quick]

تجربة ٤ شهور  نصيحه  A52   هاتف فعلا ممتاز وتجربة ممتازة   ،  ولا تفكري تبعيه  طول حياتك  دي نصيحه  .. 

احيانا  بيعمل حركات هبله وده نادر  زي مثلا تشغل اغاني وهو في بنطلوني  

لكن  اختفي الامر بعد اخر تحديث غير كده   استخدميه وانتي مطمنة  

[Amira-elnagar]

مساء الخير يا فندم مع حضرتك اميرة من سامسونج مصر

بنشكرك جدا علي تواصلك معنا  ونتمنى لحضرتك يوم سعيد

سعداء جدا برايك في الجهاز و نتمني ينول اعجاب حضرتك 

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[Ola-]

Quick@ ماشاء الله انا والله جبته وحبيت الجهاز وجميل اللهم بارك مواجهنيش فيه اي حاجه ولا هنج هو بعد اول تحديث ضعف البطاريه شويه وبعدها فضل يفصل ويفتح لوحده ومش فاهمه ف ايه بصراحه وده مضايقني لان الاغلب مشفتش حصله كده اكون ماسكه الموبايل لساعه مثلا وفجأه يققل ويفتح لوحده

[Mohamed_Samy]

لو بيعمل ريستارت لوحده وحضرتك عملتى ضبط مصنع ولسه بيعمل ريستارت بردو ممكن تروحى اقرب فرع لان المشكله ده فعلا صعبه جدا وممكن بنسبه كبيره يغيروا البورده

[Ola-]

العيب اصلا ف الجهاز ومن عندهم اغير بورده والجهاز مكملش كام يوم وادفع فيه وهو جديد حرام رجعته

[Ola-]

هو الموبايل فعلا جميل وكل حاجه ممتازة بس للاسف انا واجهني مشكله فيه ممكن اعرف حضرتك موبايلك هندي ولا فيتنامي وهل ده بيكون له سبب ف تهنيجه او عطل ع حسب البلد المصنع فيها ؟

[mustafaaaaaaaa]

واجهت مشكله لتليفون a52 بعد يومين من الاستخدام لما اجي اشحن يرفض الشحن ويقولي درجه الحرارة منخفضه جدا وانا لغايه دلوقتي مش عارف احل المشكله دي
ارجو الافاده هل هي مشكله فنيه ولا إيه مع العلم عملت إعاده ضبط مصنع وعملت تحديث نظام
في حد قابل المشكله دي قبل كده وحلها إيه

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك 

يرجى  اعادة ضبط المصنع للجهاز.
الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch
http://www.samsung.com/eg/support/smartswitch/

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك

[Ola-]

جرب تشحنه وهو مقفول جايز حرارة الجو بتأثر ع الاجهزة للاسف