تجربتك مع موبايل سامسونج a52

[Ola-]

ياريت كل شخص هنا معاه موبايل سامسونج a52 لسه جديد أو معاه من شهور يقولنا تجربته معاه كانت ايه ، وايه المشاكل اللي واجهته سواء قبل او بعد اي تحديث ونفيد بعض بما اني تليفوني جديد ولسه بعرف فيه حاجات واعرف منكم حاجه تفيدني وتفيد الغير مثلا وشكرا

مستنيه ارائكم.😀

[Ola-]

بيكون جودة افضل واسرع عن الهندي وفي كوري بس نادرا لو لاقيته بيكون افضل عنهم بكتير

[Mohamed_Samy]

لو قصد حصرتك يقفل الشاشه ويفتحها اكنك ضاغطه على زرار الباور ممكن بردو تكون مشكله فى البورده او زرار الباور نفسه بيعلق ممكن تفحصيه فى اقرب فرع

[Ola-]

للاسف كان كده وزاد اكتر بعد ضبط المصنع ومكملش اسبوع وكان فيه عيب رجعته بعد معاناه والله الحمد لله

[Ola-]

حضرتك معاك نفس الجهاز؟

[Mohamed_Samy]

اهاا معايا a52

[Samah-Ahmed]

مساء الخير يا فندم مع حضرتك سماح من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجهك

بناء على سؤالك أستأذن حضرتك فى التوجه لاقرب مركز صيانه 

للتمكن من فحص الجهاز ومساعده حضرتك 

للتعرف على أقرب مركز صيانه خاص لحضرتك من خلال الرابط التالى : 

https://www.samsung.com/eg/support/service-center/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[Ola-]

طيب هو لو معملتش اول اب ديت عادي اصل الاولني اللي رجعته اما عملته حسيته البطاريه بتخلص بسرعه

[Samah-Ahmed]

صباح الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك بعد التحديث

يرجى  اعادة ضبط المصنع للجهاز.
الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch
http://www.samsung.com/eg/support/smartswitch/

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك

[Mohamed_Samy]

فيه ابديت جاى قريب جدا خلال ايام هيعالج المشكله بتاعه البطاريه متقلقيش

[Mohamed_Samy]

ابديت البطاريه وصل يفضل عمل ضبط مصنع بعد الابديت وتفريغ البطاريه تماما وشحنها لحد ١٠٠%