بطاريه

[نانا٧]

مساء الخير 🌹🌹

ممكن حد يقولي من الافضل للتليفون والبطارية اظبط البطاريه علي انهي وضع من الثلاثه في حمايه البطاريه 

الأساسي

التكيفي

الأحد الاقصي 

وشكرا جزيلا مقدما 🌹🌹

[nr54]

الحد الاقصي

[نانا٧]

ملوش تأثير علي الهاتف لان سمعت ان بياثر علي أداء الهاتف والتطبيقات

[ahmedsamirmo]

الحد الأقصى هيخلي البطاريه تشحن لحد ٨٠% وتقف معدتش تشحن
التكيفي دا هيحاول يعرف عاداتك زي بتنام امته وبتستخدم التلفون جامد امته وكدا
وعلى حسب استخدامك يحاول يديك اللي انت محتاجه بس من البطاريه
الاساسي دي اللي هو العادي

[複ᴀʜᴍᴇᴅ]

1. الأساسي:

ده الوضع العادي، بيشحن الموبايل 100% عادي، لكن أول ما يوصل للنسبة دي بيوقف الشحن مؤقتًا، وبعد ما ينزل لـ95% يرجع يشحن تاني.
يعني بيدي شوية راحة للبطارية، بس لسه فيه ضغط لإنه بيفضل يوصل للـ100%.


---

2. التكيفي:

ده بقى شغل ذكي شوية، بيشوف إنت بتشحن إمتى وتصحى إمتى، ولو لقى إنك بتسيب الموبايل في الشحن وانت نايم، هيخليه يوصل 80% ويوقف، ويكمل شحن لباقي النسبة قبل ما تصحى.
لو مواعيد نومك مش منتظمة، هيرجع يستخدم النظام الأساسي مؤقتًا.

يعني لو بتنام وتصحى في نفس المعاد تقريبًا كل يوم – ده أنسب وضع ليك.


---

3. الحد الأقصى:

ده بقى للناس اللي عايزة تحافظ على البطارية لأطول فترة ممكنة. بيوقف الشحن عند 80% وخلاص، مفيش شحن لحد 100%.
وده أحسن اختيار لو مش فارق معاك توصل للنسبة الكاملة وبتحب تحافظ على صحة البطارية سنين قدام.


---

فـ إيه الأفضل ليك؟

لو بتسيب الموبايل في الشحن وانت نايم ومواعيدك منتظمة → التكيفي ممتاز.

لو مش بتشحن وانت نايم أو مواعيدك ملخبطة → الحد الأقصى هو الأأمن.

أما الأساسي فهو أقلهم فائدة لو بتفكر في عمر البطارية.


عايز رأيي الشخصي؟
الحد الأقصى أكتر وضع بيحافظ على البطارية، بس لو محتاج توصل 100% من وقت للتاني، اختار التكيفي طالما مواعيدك.

[نانا٧]

طيب من فضل حضرتك وضع الحد الاقصي ده ملوش تأثير علي الجهاز

[複ᴀʜᴍᴇᴅ]

لا لا خالص ده بالعكس بيحافظ على البطارية لمدة أطول.

[نانا٧]

ملوش تأثير علي الهاتف لان سمعت ان بياثر علي أداء الهاتف والتطبيقات وباخر إرسال الاشعارات

[複ᴀʜᴍᴇᴅ]

لا مفيش الكلام ده

[نانا٧]

انا مفعله فعلا الحد الاقصي بس فعلا لحظت مثلا ان اشعارات الواتس مش بتوصل يعنيى أفتح الواتس القي الرسايل ومجاش اشعار