بطارية

[AbanoubSawiris]

حلو اتهلاك البطارية كدة ولا ايه ؟

[AbanoubSawiris]

سوشيال بس ملعبتش العاب خالص
بسيبه طول اليوم مفتوح و انا رايح انام بقفله بس
بس انا لما جبته كان بيقعد اكتر من كدة بس من اسبوع كدة عملته ابتيد نزل جديد بتاع شهر ١٠ و حسيت انه بيخلص بسرعه من يومين بس ... مش عارف ليها علاقة ولا لا

[AbanoubSawiris]

شكرا لحضرتك جدا على اهتمامك

[Artist8]

🙂

[Artist8]

بص هو التحديث الى نزل ده كان تحديث أندرويد كامل ، ولا تحديث أمنى بس ؟

[AbanoubSawiris]

تحديث شهر ١٠ كان امنى فقط

[Artist8 · Accepted solution]

بص هو لو أنت شاكك إن فى حاجة غلط ، ممكن تعمل إعادة ضبط المصنع ، بس خد بالك عشان كل حاجة على الجهاز هتتمسح " SD card هتفضل زى ما هى "
عموما أنا أنصحك عموما إنك متنزلش برامج كتير إلا إذا كنت هتستخدمها فعلا و تكون مفيدة فعلا ، أنا واحد من الناس مثلا مش بستخدم share it و مش بشوفه مفيد غير فى مشاركة التطبيقات و الى من الأفضل إنك تعملها download من المتجر نفسه ، فعشان ك
ه معنديش shared
حاول إنك تعمل إعادة ضبط المصنع و تنزل التطبيقات المهمة بالنسبة لك بس ، و سيب مستشعر الإضاءة على تلقائي، و سيب وضع توفير الطاقة على تكيفى ، و متبدأش تستخدم تليفونك إلا لما كل التطبيقات تنزل أو تتحدث ، وأضبط الشاشة الرئيسية بتاعتك بالطريقى إلى أنت بتحبها ، و إلغى الشحن السريع و متفعلهوش إلا إذا كنت محتاج تشحن الموبايل ف. وقت قصير عشان خارج و مستعجل مثلا ،
و إشحن موبايلك شحنة كاملة ، و لما يبقى تمام و خلاص كل حاجة نزلت و الدنيا إتظبطت، إبدأ إستخدام موبايلك بشكل طبيعى زى ما أنت متعود عليه ،
لاقيت إن الاستهلاك كبير ، و قائمة إستهلاك البطارية مفيهاش حاجة غريبة ... يبقى ممكن يكون التحديث ..

[AbanoubSawiris]

تمام شكرا جدا لحضرتك

[Artist8]

😇

[Samah-Ahmed]

مساء الخير يا فندم مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك

بناءا على سؤالك من الموضح أن حضرتك بتواجه مشكله فى البطاريه 

أستأذن حضرتك فى اتباع الخطوات دى :

1.قم بتعديل درجة سطوع الشاشه

2-كل ما كانت الشبكه ضعيفه كل ما كان التليفون بيبذل جهد وبيقوى الشبكه فبالتالى بيسحب من البطاريه 

3-قم باغلاق التطبيقات المفتوحه 

4-قم بالتأكد من عدم وجود أى مشكله فى البطاريه الخاصه بالجهاز أو زر التشغيل 

6-استخدام الشاحن الاصلى بالجهاز 

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك