بطارية A25

[noureenyasser]

الجهاز لسة جديد و بحس البطارية بتخلص بسرعة 

يعني نزلت 18% في حوالي ساعة و نص على فيسبوك متواصل بصراحة 

فهل دي حاجة تقلق و عيب بطارية ولا عادي دي طبيعة exynos ؟

ده غير كمان السخونة 

[FaresMohamedYT]

ده طبيعي مفيش مشكله متقلقش

[複ᴀʜᴍᴇᴅ]

لا طبيعي لأن لسه بيتأقلم على طريقتك وبيسستم نفسه على نظامك فمتقلقش.
وعيب الحرارة ده طبيعي لأن الجو زي ما أنت شايف

[noureenyasser]

انا مش فاهمة موضوع التأقلم ده يعني بياخد قد ايه و ايه نتيجته في الاخر
لاني سمعتها كذا مرة و مفهمتش

[kingdoms]

لوسمحت هل الشاشه مريحة عند النظر ليها ولا بتسبب ألم في العين

[noureenyasser]

جميلة مش حاسة بفرق عن باقي أجهزة سامسونج اللي مسكتها

[複ᴀʜᴍᴇᴅ]

خليني أوضح أكتر. لما تشتري موبايل جديد أو تعملي إعادة ضبط مصنع، الموبايل بيحتاج وقت عشان يتعرف على طريقة استخدامك ويبدأ يتكيف معاها. الفترة دي عادةً بتكون حوالي أسبوع إلى أسبوعين أو أكثر ملهاش وقت محدد يعني. خلال الفترة دي، الموبايل بيبدأ يتعلم الحاجات التالية:

1. **أنماط استخدامك**: بيتعلم التطبيقات اللي بتستخدميها أكتر وبيبدأ يخصص موارد أكتر ليها.

2. **استهلاك البطارية**: بيتعلم إزاي يدير استهلاك البطارية بشكل أفضل بناءً على استخدامك.

3. **إعدادات الأداء**: بيتكيف مع أداء الهاتف بناءً على احتياجاتيك، زي تقليل استهلاك الطاقة أو تحسين أداء التطبيقات الثقيلة.

يعني باختصار، بعد أول أسبوعين تقريبًا، هتلاحظي إن الموبايل بيشتغل بشكل أفضل وأكتر كفاءة بناءً على طريقة استخداميك اليومية.

[noureenyasser]

شكراا

[SamsungModerator1]

noureenyasser

مساء الخير يا فندم مع حضرتك مهاد من سامسونج مصر

بنشكرك جدا على طرح سؤالك وبنتمنى لحضرتك يوم سعيد

بناءا على سؤالك

برجاء  اتباع  الخطوات الاتية 

التأكد من استخدام الشاحن الاصلى الخاص بالجهاز
تجربة شاحن اخر مع الجهاز
قم بتخفيض درجه سطوع الشاشة
اغلاق الميزات الغير مستخدمة مثل البلوتوث وال GPS
قم بإغلاق التطبيقات المفتوحة والتى تعمل فى الخلفية وغير مستخدمة
قم بالتاكد من عدم وجود اى مشكله فى البطارية الخاصة بالجهاز او زر التشغيل
قم بمراجعه استهلاك البطاريه الخاصة بالجهاز لمعرفة اكثر التطبيقات المستهلكه للبطارية
عن طريق الضغط على الضبط – صيانة الجهاز – البطارية – استهلاك البطارية
قم بإستخدام الجهاز على وضع توفير الطاقة
فى حالة استمرار المشكلة يرجى  اعادة ضبط المصنع للجهاز.
الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch
http://www.samsung.com/eg/support/smartswitch/
وفى حالة استمرار المشكلة استأذنك تشرفنا فى اقرب مركز صيانة حتى يتم فحص الجهاز وحل المشكلة لحضرتك

يمكنك اتباع الرابط أدناه للعثور على أقرب مركز:
http://www.samsung.com/eg/support/servicelocation/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك  

[بسمةة]

موبايلي سامسونج a25لسه جيبيه بقالي يومين فقد ٢٢ في الميه خلال ساعتين ونص نزل من ٣٧ الي ١٥ % فهل دا طبيعي مع العلم استخدم فيس وانستجرام متواصل خلال الساعتين ونص وكمان مشغلاه ع وضع توفير الطاقة