بطارية هاتف A56

[AhmedAbdo71]

انا مشتري موبايل a56 نسخة 256 / 12 ، لسا من اسبوع و الموبايل مفيش عليه شريحة ولا بستخدمه خالص و سايبه مفتوح و مركون كدا و مش متوصل ب wifi 

لاحظت ان استهلاك بطاريته حوالي من 9 ل 11 % يوميا بدون أي لمس ، هل دا طبيعي ولا الموبايل معيوب كدا و اروح للتوكيل ؟ 

[thestriker7680]

ايوه عادي

[AhmedAbdo71]

فيه حد من الدعم الفني دخل معايا مكالمه و اتحكم ف الجهاز و قالتلي انه زياده عن طبيعي ، الطبيعي بيكون من 3 ل 5 % يوميا ، ف انا بصراحه مش عارف

[thestriker7680]

دي غالبا برامج شغالة في الخلفية
عشان تتأكد أنه مش تسريب شحن اعمله ايقاف تشغيل وشوف تاني يوم لو فصل بنفس الكمية
لو أقل يبقى المشكلة سببها البرامج اللي شغالة في الخلفية
لو نفس الكمية يبقى ممكن يكون تسريب

[AhmedAbdo71]

عملت و منقصتش لما قفتله قفل كامل ، و لما يسيبه بينقص زي ما قولتلك حوالي 8% كدا

[thestriker7680]

يعني لما بتعمله ايقاف تشغيل مش بينقص ولكن لما بتسيبه مفتوح عادي بينقص ٨٪
لو كده يبقى دي حاجات شغالة في الخلفية قاعدة تستهلك من البطارية (شبكة واي فاي، شبكة المحمول، برامج متنوعة على الموبايل، بلوتوث، ذكاء اصطناعي، ....)

[AhmedAbdo71]

كل حاجه مقفوله تماما😂 ، الموبايل مفيش عليه اي حاجه خالص ولا بيكون متوصل ب نت ، ولا فيه شريحه ، بفتح نت بس عشان ارد عليك و اقفل تاني ، اغلب الناس قالتلي استخدمه فتره و البطاريه بتتظبط بعدها

[thestriker7680]

هو ممكن استخدامك للموبايل يحسن من البطارية لأنها بتتعلم من الاستخدام فتقدر تديك تجربة أفضل
لو مش بتستخدمه ابقى اقفله
مشكلة أن البطارية تفصل وانت مش بتستخدمه دي مشكلة كذا واحد اشتكى منها
حاسس انها مشكلة في نظام اندرويد أو برامج جوجل أنها مش عارف تظبط استهلاك البطارية كويس

[AhmedAbdo71]

الموضوع بنسبة 99% سوفت وير ، اصل الجهاز جديد لسا ف البطاريه سليمه اكيد و بتوع الدعم قالولي انها سليمه برضو ، انا هستخدمه وخلاص و هبقي اشوف الاستهلاك اتحسن ولا لا هو كدا كدا ف الضمان ، فيه حد برضو قال ان المشكله دي ممكن تكون بسبب اني نقلت بعض البيانات و الإعدادات من برنامج smart switch من موبايلي القديم