بالنسبة لبصمة الإيد، فى اكتر من نقطة أولا: بصمة المستخدم ممكن متكونش واضحة عشان طبيعة الجلد أو استخدام مواد بتأثر على الجلد ثانيا: دقة سينسور البصمة اللى فى الجنب أو الخلف أعلى من تحت الشاشة ثالثا: سينسور البصمة فى المكان اللى تحت الشاشة وفى سامسونج مش عالى الدقة وممكن يأثر عليه اكتر من سبب ومنها الجهاز إتعرض لصدمات قوية - الشاشة فيها كسر عند منطقة مسح البصمة - وجود اسكرينة حماية للشاشة سمكها كبير أو وجود شرخ فيها عند منطقة مسح البصمة - خامة الاسكرينة بتأثر على جودة المسح - وجود فقاعات هواء بتقلل جودة المسح رابعا: لو المشكلة فى الاسكرينة، يتم تغيرها ويفضل تكون الخامة زجاج وقدرة الاسكرينة إنها تنقل اللمس بدقة عالية نقطة مهمة ولكن بالنسبة لسينسور البصمة المهم معامل نفاذية الاسكرينة للاضاءة اللى هتأثر على قدرة السينسور إنه يشوف البصمة بوضوح عشان كده يفضل إن خامة الاسكرينة تكون زجاج ولو منفعش ممكن يتم تعريف البصمات بدون إسكرينة حماية للشاشة خامسا: عند إضافة بصمة يتم تعريف نفس الصباع فى الإيد اليمين والإيد الشمال مع بعض ويتم إضافتهم أكثر من مرة سادسا: حذف البصمات وإضافتها من جديد كل فترة سابعا: وجود شكوى أحيانا من أداء البصمة بعد التحديث فيمكن تحسين أداءها بحذف البصمات وإضافتها من جديد ثامنا: تفعيل خاصية زيادة حساسية اللمس تاسعا: إذا كان نوع الحساس ضوئى فيفضل ان تكون خامة الاسكرينة من الزجاج ولكن فى حالة النوع الفوق صوتى فيفضل ان تكون خامة الاسكرينة من البلاستيك
