بصراحه بندم اني رجعت اشتري سامسونج جهاز زفت

[Boboos]

الجهاز كل شويه يهنج والتانش مايشتغلش  عمله ريستارت وساعت برده بعد الريستارت مايشتغل  ولازم اعمل كذا مره ريسنا ورا بعض زهقت وعملت كل الحلول بتاعت امسح وفرمت ونيل الجهاز مكملش شهر a72 ليه فلوسه حرام وحد يقولي روح التوكيل يصلحه ايه برده انا دافع فلوس في جهاز جديد عشان  اصلحه لا انا عاوز بديل بكون سليم غير كده كنت جبت مستعمل احسن واستفد من فرق السعر  بجد شركه غريبه ومهنجه طول عمر سامسونج كده بس العيب  عندي انا اشتري  منها حاجه تاني 

[7oDa]

بتقول الفون مكملش شهر
اطلع ع الضمان واطلب بتبديله وخليك معاهم
ولو محلوش معاك كلم حمايه المستهلك واشتكيهم وخليك وراهم

[amrmhomad]

شركه زباله مايا سامسونج 51 معي بقى لي سنه

[DRK_PHANTOM_ISAY]

معايا Samsung note fan edition
التلفون صاروخ

[DRK_PHANTOM_ISAY]

معايا samsung note fan edition
التلفون صاروخ
بس هو تقفيله ايه
و الاول قبل ما تشتري تلفون (ده رايي طبعا مش اقصد حاجه)😊
شوف فيديو مراجعه ليه
عيوبه و مميزاته
لان صراحه مش من سامسونج ممكن تقفيل وحش
او مشتريه منين
او عيب تصنيع في الجهاز ده
و بس 🙂

[Omararef]

طلاما في الضمان هتقدر تغيره

[Amira-elnagar]

مساء الخير يا فندم مع حضرتك اميرة  من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجهك

بناء على سؤالك أستأذن حضرتك فى التوجه لاقرب مركز صيانه 

للتمكن من فحص الجهاز ومساعده حضرتك 

للتعرف على أقرب مركز صيانه خاص لحضرتك من خلال الرابط التالى : 

https://www.samsung.com/eg/support/service-center/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[MuhammadYosri]

اكيد فيه حاجه غلط في جهازك لان التليفون كويس جدا

[Boboos]

شكرا للجميع علي المساعدة
انا التوكيل صلحه واستلمت الحمدلله