امباح جبت كارت ميمورى ١٢٨ جيجا وحملت عليه تطبيقات من التليفون علشان اخف الحمل من

[elmasrykareem]

على الذاكرة وبقت مشكلة التليفون مره واحدة يفصل ولو عملت اعادة تشغيل التطبيقات اللى على الكارت الميمورى تختفى ومتشتغلش حد عنده فكره ايه المشكلة

[heroone]

المشكلة فى كارت الميمورى نفسه يكون جودته سيئة .
جرب تعمل تهيئة لكارت الميمورى من الجهاز ثم رستارت وان لم يفلح هات كارت غيره

[elmasrykareem]

كارت الميمورى سليم وجربته على جهاز تانى فيه حاجة فى نظام التليفون كل ده بسبب التحديث الأخير

[heroone]

الفكرة فى نوع ذاكرة الهاتف ومدى توافقها مع نوع ذاكرة كارت الميمورى .
بمعنى انه الكارت يشتغل فى جهاز كويس وميشتغلش كويس فى جهاز اخر .
ولو متاكد ان المشكلة ظهرت بعد التحديث يبقى تستنى التحديث القادم وان شاء الله تتحل المشكلة ، وممكن تبقى تجرب اعادة ضبط مصنع (بتمسح كل الداتا على الفون )

[elmasrykareem]

علشان اعمل ظبط مصنع ده موضوع وهفقد بيانات كتير انا مش محترف فى الموضوع ده والتحديث اللى جاى مش عارف امتى انا تقريبآ كده شغلى واقف بسبب التحديث الزفت اللى شركة سامسونج الفاشلة نزلته

[heroone]

بسيطة خالص حمل برنامج سامسونج smart swich على الموبايل و الكمبيوتر ، ووصل الموبايل بالكمبيوتر بالكابل وافتح البرنامج على الكمبيوتر واختار عمل نسخة ، كده بياناتك اتنسخت .
اعمل ضبط المصنع وبعدين وصل الفون بالكمبيوتر وافتح البرنامج واختار استعادة وكدة هتم استعادة البيانات مرة اخرى.
وبامكانك تحديد البيانات اللى عاوز تنسخها وكمان تحديد البيانات اللى محتاج تستعيدها

[Amira-elnagar]

صباح الخير يا فندم مع حضرتك اميرة من سامسونج مصر

بنشكرك جدا علي طرح سؤالك ونتمنى لحضرتك يوم سعيد

يرجى عمل ضبط مصنع للجهاز عن طريق الخطوات الاتيه : 

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch 

http://www.samsung.com/eg/support/smartswitch/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[elmasrykareem]

متشكر لحضرتك

[Sara-nader]

موجودين تحت أمرك فى أى وقت

[elmasrykareem]

فين ده انا مبلغ على صيانة منزلية وهدفع الرسوم ومحدش اتواصل معايا ولا حد بيرد خالص