ال 12.. تقريباً ممكن يكون العيدية 🥳

[Aboyuosof]

مفاجأه من SAMSUNG EGYPT  لينا خاصة عملاء A71

جاتلي تخمينه كدا توفر عليا انتظاري للتحديث المنتظر

(( إن ممكن يا چماعة الخير السادة SAMSUNG عاملين لينا التحديث ع العيد الچاي عشان يوبجا هدية وعيدية 

 فخير اللهم اچعله خير ممكن يكون سي android 12 مع الست حرمه One ui 4.0 يكونوا هدية العيد الچاي ويچعله عامر وكل عام وانتم بخير 🌙 ))

[MahmoudYousry]

ممكن برضة ولية لا😂😂

[Anonymous]

قصدك عيد الاضحي صح 😀

[Omararef]

بالظبط 🤣🤣🤣🤣

[Anonymous]

حبيبي حبيبي 😀😀

[Omararef]

❤❤❤❤

[Aboyuosof]

مش قوي كدا ..

[الدولى002]

ماظنش لانها شركة فاقدة المصداقية

[ahmedmaadyee]

السادة الافاضل المحترمين عاوز افكر حضراتكم بشكاوى كتير حصلت من فتره صغيره بسبب تحديث اندرويد ١٢ لهاتف جلاكسى A72
منشورات محترمة بتسأل بشكل محترم
أشخاص بتسأل بشكل فيه إهانات كبيره جدا للشركة والموظفين اللى بيقومو بالرد على العملاء
عدي التوقيت اللى كان مفروض ينزل فيه التحديث ونزل بعد منه بفتره قصيره ومش طويله
رجاء الصبر وعدم الضغط لانه مش هجيب نتيجه ولا هيقدم موعد نزول التحديث ولا هيأخرو
النتيجة النهائية التحديث هيوصل
هيعجب ناس ومش هيكون عندهم مشاكل
مش هيعجب ناس وهتظهر معاهم مشاكل
فى النهايه كده كده نازل
فقط الصبر والهدوء لو تكرمتم

[Aboyuosof]

السلام عليكم ورحمة الله وبركاته
يا فندم أنا ضد أي حد ممكن يهين حد أو يوجه كلام خارج عن إطار الاحترام والذوق العام
ولكن حضرتك خليك مكان أي حد فينا
حضرتك إحنا شاريين سامسونج عشان خدمة ما بعد البيع وتحديثاتها المستقرة وقلة مشاكل أجهزتها
فمطالبنا نتيجة وعود واخدينها نظير شرائنا لمنتجات سامسونج وفريق العمل اللي بيرد مع اختلاف الأسامي اللي بترد علينا كلهم بيردوا برسالة واحدة ما فيش أي تفاعل مع الكلام المطروح يريح السائلين عن أي ترتيب بيسألوا فيه رساله واحده لجميع المتفاعلين مع الرسائل المنشورة .. التحديث هينزل في غضون شهر ابريل ونرجوا تفعيل تنزيل التحديث تلقائي ..
حضرتك جميع المواقع البعيدة والقريبة التي تحدثت عن التحديثات نقلوا عن سامسونج ان التحديث سيتاح خلال الربع الأول من عام 22 يعني المفروض شهر مارس رجعتوا قولتوا ابريل سكتنا وصبرنا حتى الآن
الشركات الكبرى يا فندم ما يبقاش عندها النظام دا
المفروض يبقى فيها أكتر من فريق عمل متخصص لعمل تحديثات الهواتف الخاصة بالشركة
فريق لهاتف Fold وفريق لفئة S وفريق لفئة A وآخر لفئة M ويحدد ميعاد واحد لكل الفئات تنزل فيه التحديثات وكل الفئات تستقبل تحديثاتها بدون تمييز وعنصرية بين حاملي فئات الهواتف .. في الأصل أن عملائك كلهم منزله واحدة مفيش فرق بين اللي شايل Fold أو S22 Ultra واللي شايل A71 أو اللي شايل J7
الفئة العليا دي ينزل تحديثاتها أول ناس وكمان نعالج مشاكل تحديثاتها وتستقر هواتفهم ثم بعدين نفكر في الفئات التانية ولحين تنزيل تحديثاتهم يكون الفئة العليا السادة أكابر المجتمع السامسونجي يكونوا بيستقبلوا التحديث الجديد اللي تم تجهيزه لحضراتهم من قِبل الشركة الموقرة
صراحة الشركة مصدره لينا إحساس إن القائمين على التحديثات 7 أو 8 أفراد مقسمين شهور السنة على فئات الهواتف الخاصة بيها .. من شهر كذا فئة كذا ومن شهر كذا فئة كذا لحد ما يخلصوا منتجات الشركة تحديثات ولما يخلصوا يشوفوا شغلانة تانية
للأسف مش دا المنتظر منكم
ومش دا السيستم اللي راهنا عليه في دعمه بالتعامل معاه وشراء منتجه ..
ورغم اننا فئة متوسطة في الهواتف عند حضرتك في الشركة نمثل السواد الأعظم في عملاء سامسونج وإحنا ضحينا بفروق السعر الغالية عند حضرتك عن غيرك من شركات أصغر كيانا بكثير عن سامسونج بتقدم خدمات ومميزات وسعر أقل وخدمات تضاهي خدماتكم ولكن فضلناكم عن غيركم وفي الآخر دي ردودكم علينا ضجر وسخط ونرفزة واضحه من خلال الكلام ..
انتوا السبب في كل شيء.. قبل ما تعتبوا علينا راجعوا نفسكم الأول
كل عام وانتم بخير 🌙 يا أستاذنا الكريم