الموبايل بيسخن جدا

[Rihamsaad195]

انا موبايل a51 جيباه من شهر و بيسخن جدا عند الشحن بطريقة غريبة بس مش فى كل الأوقات .. بيبقى مولع لدرجة لا تحتمل و بيشحن بطئ لدرجة ان النهاردة شحن ٥٠% بس فى ساعتين و ٤٠ دقيقة عشان المكان ..انا مستغربة جدا و قلقانة ينفجر ولا حاجة زى ماحصل فى سلسلة النوت بتاعتكو قبل كدا..

ايه سبب ده و ليه بيحصل اوقات و اوقات بيشحن عادى 

و كمان لو حطيتو ع الشاحن و شحن ١٠٠% و نسيتو بعدهاشوية برجع الاقيه سخن مع ان باقى ماركات الموبايللات مش بيحصل فيها السخونة الغريبة دى ..

ارجو سرعة الرد لانى قلقانة جدا يحصل انفجار فعلا من كتر الحرارة دى 

[3mroo]

هو انا معرفش السبب ايه بس ده لازم يروح الضمان عشان حتي اجهزه سامسونج مش بيحصل فيها كده

[Sara-nader]

صباح الخير يا فندم مع حضرتك ساره من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناءا علي سؤالك من الواضح أن حضرتك بتستفسر عن وجود سخونه عاليه فى موبايل حضرتك 

أستأذنك فى عمل الخطوات دى علشان نقدر نحل المشكله الموجوده 

1-قم بالتاكد هل السخونه تظهر عند شحن الجهاز فقط ام عند الاستخدام بشكل عام

2-عند استخدام الجهاز لفتره طويله سوف تحس بسخونه منه يمكن تحملها

3-متاح للجهاز ام لا Software قم بالتاكد هل هناك اى تحديث

4-قم بعمل اعاده ضبط مصنع  للجهاز عن طريق الخطوات الاتيه

1- الضبط 

2-الاداره العامه 

3- اعاده الضبط 

4-اعاده تعييين بيانات المصنع 

5 -اعاده الضبط 

6-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه

ولمعرفه أقرب مركز صيانه خاص بحضرتك من خلال الرابط التالى : 

https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن و

موجودين تحت أمرك وفى خدمتك فى أى وقت 

شكرا  لحضرتك ولوقتك

[Kirolos_Habib]

لازم توديه للتوكيل بتاع سامسونج

[MuhammadYosri]

ده مع الشاحن بتاعه والا شاحن اخر

[احمدمسعد]

طب هو انا عندي حاجه غريبه جدااااا انا لسه مشتري الجهاز من اسبوع تقريبا ولم بستخدم الجهاز اكتر من خمس دقايق بيكون سخن جدااا يعني مش لم يكون علي الشاحن لا ده وانا بستخدمه او يكون معايا مكالمه وتطول شويه ارجو الرد وإيجاد حل لاني الموبيل بيكون علي اذني وانا بتكلم ناااار

[المحاسبة]

انا لسه شاريه الموبايل امبارح وبمجرد تصفحي للجهاز وتعرفي على امكانياته لقيته سخن جدا وعند تلقى مكالمات بيسخن على ودني خالص ايه الحل اروح للبائع ولا اتصرف ازاي ارجو سرعة الرد

[Samsung_7559NQv]

السلام عليكم 

تم شراء هاتف سامسونج A12قبل يوم والهاتف يسخن بشكل غير طبيعي حتي مع المكالمات العاديه والماسنجر 

وتظهر رساله  تجاوزت درجة حراره الهاتف المستوي المسموح به . وسيتم غلق الهاتف بعد ٢٠ ثانيه . ارجو الإفادة عاجلا

 

[Amira-elnagar]

مساء الخير Samsung_7559NQv مع حضرتك اميرة من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناءا علي سؤالك من الواضح أن حضرتك بتستفسر عن وجود سخونه عاليه فى موبايل حضرتك 

أستأذنك فى عمل الخطوات دى علشان نقدر نحل المشكله الموجوده 

1-قم بالتاكد هل السخونه تظهر عند شحن الجهاز فقط ام عند الاستخدام بشكل عام

2-عند استخدام الجهاز لفتره طويله سوف تحس بسخونه منه يمكن تحملها

3-متاح للجهاز ام لا Software قم بالتاكد هل هناك اى تحديث

4-قم بعمل اعاده ضبط مصنع  للجهاز عن طريق الخطوات الاتيه

1- الضبط 

2-الاداره العامه 

3- اعاده الضبط 

4-اعاده تعييين بيانات المصنع 

5 -اعاده الضبط 

6-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه

ولمعرفه أقرب مركز صيانه خاص بحضرتك من خلال الرابط التالى : 

https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن و

موجودين تحت أمرك وفى خدمتك فى أى وقت 

شكرا  لحضرتك ولوقتك

[كريمممم]

الهاتف بيسخن عند الشحن هوا والشاحن اعمل ايه ؟