أهلاً بيك يا غالي.. المشكلة دي ليها كذا سبب محتمل، جرب الحلول دي بالترتيب وإن شاء الله تظبط معاك:
مسح بيانات تطبيق الساعة: ادخل على (الضبط) > (التطبيقات) > ابحث عن تطبيق (الساعة - Clock) > (مكان التخزين) > واعمل "مسح التخزين المؤقت" و "مسح البيانات" (متقلقش ده هيمسح المنبهات القديمة بس هيحل أي تهنيج). استثناء المنبه من توفير الطاقة: ادخل على الضبط > البطارية > حدود استخدام الخلفية > تطبيقات لا يتم وضعها في وضع السكون أبداً > واضغظ على (+) وضيف تطبيق (الساعة). التأكد من نغمة المنبه: أحياناً لو النغمة اللي مختارها ملف صوتي خارجي وممسوح أو فيه مشكلة، المنبه بيفصل فوراً. جرب تختار نغمة أصلية من نغمات الجهاز. خاصية الـ Bixby Routines: تأكد إنك مش عامل "روتين" بيقفل المنبه أو بيشغل وضع (عدم الإزعاج - Do Not Disturb) في الوقت ده.
جرب الخطوة الأولى غالباً هي اللي هتحل المشكلة.. بالتوفيق!
غريبة جداً.. طالما جربت مسح البيانات واستثناء البطارية ومنفعتش، يبقى فيه احتمالين تالت لهم:
تطبيقات الطرف الثالث: هل عندك تطبيقات زي (Truecaller) أو تطبيقات "قفل التطبيقات" أو "تنظيف الذاكرة"؟ التطبيقات دي أحياناً بتعتبر المنبه "عملية في الخلفية" وبتقفلها فوراً. جرب تمسح أي تطبيق تنظيف أو توفير بطارية خارجي. تحديث النظام: اتأكد إن جهازك على آخر تحديث أندرويد وآخر تحديث لتطبيقات سامسونج من Galaxy Store. الوضع الآمن (Safe Mode): جرب تشغل الموبايل في الوضع الآمن وتضبط منبه، لو رن عادي يبقى المشكلة من "تطبيق" أنت منزله هو اللي بيفصل المنبه. الحل الأخير: لو مفيش فايدة، جرب تنزل تطبيق (Google Clock) من المتجر وشوف هيعمل نفس الحركة ولا لا، لو اشتغل تمام يبقى المشكلة في سوفت وير تطبيق ساعة سامسونج نفسه ومحتاج استعادة ضبط مصنع للجهاز بالكامل (وده خليه آخر خيار).
"لو الرد ساعدك يا غالي، يا ريت تضغط على الـ 3 نقط اللي بجانب ردي وتختار (قبول كحل - Accept as Solution) عشان أي حد عنده نفس المشكلة يستفيد من التجربة دي وتظهر له الإجابة بوضوح..
