إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

المعاناة مع البطارية

(أُنشأ الموضوع في: 01/03/21 02:22 م)
hamadahegazy99
Beginner Level 2
خيارات
جالاكسى A
١- اعمل للتطبيقات deep sleeping 
العناية بالجهاز > البطارية > حد الاستهلاك في الخلفية> السكون العميق.. ضيف كل التطبيقات 
Settings> device care> battery> background usage limits> deep sleeping apps
• في تطبيقات مش هتقبل فهنضفها للسكون العادي sleeping apps 

٢- اعمل ايقاف اجباري لكل التطبيقات force stop 
ضبط> تطبيقات> اضغط على كل تطبيق واعمل ايقاف اجباري ولو فتحت تطبيق، بعد متخلص اضغط على الايقونة ضغطة مطولة وايقاف، ممكن تلاقيها في علامة i 

٣- اسحب الشاشة من فوق وقلل الاضاءة وده اريح للعين 

▪︎اسحبها اكتر ومن quick panel فعل.. 
٤- الوضع الداكن dark mode بس ممكن متحبوش 

٥- وضع توفير الطاقة power saving mode خليه وسط
ولو محبتوش ممكن تفعله بعد متخلص استعمال التليفون 

٦- اقفل البلوتوث والمزامنة والموقع واي حاجة في ال quick panel مش بتستخدمها 

٧- الغي always on display بتهلك البطارية 

٨- قلل فترة انتظار الشاشة screen timeout الشاشة تقفل علطول لو التليفون مش بيستخدم 
ضبط . شاشة . زمن توقف الشاشة 
 Settings> display> screen timeout 

٩- الغي الاهتزاز vibration من كل التطبيقات 

١٠- اعمل ايقاف للتطبيقات انها تشتغل في الخلفية 
ضبط> تطبيقات> نفتح كل تطبيق ونختار البطارية ونقفل السماح بالعمل في الخلفية 
Battery > mobile data > allow background activity >off

١١- اعمل ايقاف للتطبيقات انها تستخدم نت في الخلفية 
نفس الخطوة ال قبلها ونختار بيانات الهاتف 
 Mobile data> allow background data usage> off

١٢- فضي الرامات.. ضبط> العناية بالجهاز> الذاكرة> مسح Settings> device care> memory> clean 
وممكن من الشاشة المصغرة اختار widgets وارفع ايقونة التفريغ للواجهة 
اضغط ضغطة مطولة على الشاشة الرئيسية Home screen
هتظهر تحت widgets التطبيقات المصغرة، اختار المقشة 🧹 وارفعها للواجهة تبقا ادامك عشان تفتكر تعملها من وقت للتاني 

١٣- متستخدمش الشحن السريع الا للضرورة جدا، بيسخن البطارية وده يقصر عمرها

١٤- اشحن البطارية لما تفضى او تقل خالص وسيبها توصل ١٠٠ بس افصلها علطول متسبهاش تاخد كهربا زيادة 
وسيبك من كلام تتشحن من ٢٠ ل ٨٠% اتأكدت من اكتر من حد انه كلام فاضي هيضطرك تشحن كتير وتستهلك عدد مرات الشحن المقدرة للبطارية، ومن اهم الحاجات ال تحافظ ع البطارية انها تبعد عن الكهربا 

**ناقص نقطتين هتأكد من تأثيرهم ع البطارية واعمل تعديل للبوست

انا بالخطوات دي وصلت مع بطارية ٦٠٠٠ مللي ليومين وتلاتة، وشاشة شغالة screen time on ٢٢ ساعة 
ومش مفعلة الوضع الداكن dark mode ولا وضع توفير الطاقة power saving mode 

لو لقيت حد بيشتكي من البطارية انقله البوست copy او screen shot 
 

image


image

 
24 التعليقات
___
Active Level 6
خيارات
جالاكسى A

انا شوفت التعليق ومردتش ارد في البوست ده
متنقلو النقاش هناك عشان اشارك
أولm31
Active Level 7
خيارات
جالاكسى A
معاك حق😂
Anonymous
غير قابل للتطبيق
خيارات
جالاكسى A
ترك الموبايل يشحن أثناء النوم غلط تماما علشان دايرة الشحن مش بتتقفل كل ما البطاريه تقل ١% ترجع دايرة الشحن تتفتح تاني علشان تكمل البطاريه للتوب... معاناتي في ظبط وقت شحن الموبايل
RamyELGammal
Expert Level 5
خيارات
جالاكسى A
فعلآ كل ما هينقص هيكمل تاني وهكذا للصبح
انا بشحن علي مرحلتين لو الوقت مش سامح
قبل ما انام ساعه مثلآ واول ما المنبه يرن اقوم اقفله واوصل الشاحن ساعه كده تشرب قهوة تلاقيه تمام تاخده وتنزل 😀😀
جرب كده
Anonymous
غير قابل للتطبيق
خيارات
جالاكسى A
The same 😅😅😅