السلام عليكم

[Lelaa23]

معلش عندي سؤال هو فعلا موبايل a23 مش هينزل ليه تحديث أندرويد ١٥ وكدة خلاص وقفت التحديثات بتاعته ولا أي ولو فعلا وقفت ده هيبقي فيه ضرر ع الفون ولا عادي مش هتفرق 

[ᏢᎪͲᎡᎥᏟᏦ_ᎷᎥᏟᎻᎪᎬᏞ]

لأ مفيش ضرر ولا حاجة

[Lelaa23]

متشكرة جدا بس كدة فعلا خلاص التحديثات اتوقفت ليه يعني مش هينزله صح

[ᏢᎪͲᎡᎥᏟᏦ_ᎷᎥᏟᎻᎪᎬᏞ]

لغاية دلوقتي مش متأكدين القائمة الرئيسية لسة منزلتش التليفون كويس ممكن ينزله

[FaresMohamedKelany]

للأسف لا وقفت تحديثات الأندرويد لأنه بيدعم تحديثات أندرويد لمدة سنتين و هو نازل بأندرويد 12 يعني بيدعم أندرويد 13 و 14 بس
و حيدعم تحديثات أمان لسنة 2026 فقط

[Lelaa23]

تمام متشكرة جدا لحضرتك

[FaresMohamedKelany]

الشكر لله، تحت امرك في اي وقت

[Lelaa23]

الأمر لله وحده جزاك الله كل خير يارب بس معلش عندي سؤال لو حضرتك عارفه يعني تفيدني فيه هيا الاسكرينه البرايفت او الفاميه بتبقي فيها اي ضرر للفون عشان انا عارفه انه احسن اسكرين هيا الزجاج وعلي طول بركب زجاج بس عايزة اركب التانيه هيا بتبقي فيها ضرر وبتفدي ف الصدمات وبتبقي زجاج ولا لاء وانا اسفه لو ازعجتك وشكرا مقدما

[FaresMohamedKelany]

اللهم آمين و إياكم
لا الإسكرينة البرايفت ملهاش أي ضرر علي الجهاز بس إتأكدي تكون زجاج عشان في منها خامات و الزجاج هو أفضل حماية للشاشة بس خلي بالك لازم تعلي إضائة الشاشة عشان الإسكرينة البرايفت بتقلل إضائة الشاشة أوي

[Lelaa23]

متشكرة جدا تسلم دنيا وآخره يارب
بس يعني لو ركبتها هشوف ولا لاء بذات تحت الشمس ولا بلاش منها أفضل