Original topic:

السلام عليكم :

(Topic created on: 04-21-2022 02:25 PM)
104 Views
omar8833
Active Level 3
Options
جالاكسى A
ارجو الإفادة  
غيرت اسكرينة الموبيل من يومين ركبت اسكرينة فامية 
والبصمة مش راضية تتعرف علي الاسكرينة الجديدة 
وشكرااااااا 
14 Comments
A7MEDTARIK
Active Level 3
جالاكسى A
المشكله دي حصلت معايا لما غيرت الاسكرينه بتاعتي .. فبعد محاولات كتير اللي نفع معايا اني اشيل البصمه وادخلها من جديد .. جرب وممكن تنفع .. مع انها مش منطقيه 😅 بس ده اللي حصل معايا
omar8833
Active Level 3
جالاكسى A
مسحتها وكل ما اعمل بصمة جديد مش بتتعرف برضوا انا مش فاهم الموضوع في اي
A7MEDTARIK
Active Level 3
جالاكسى A
طيب جرب تفعل خاصية ال touch sensitivity
0 Likes
omar8833
Active Level 3
جالاكسى A
جربت برضوا مفيش اي حاجة تغيرت مش قابلة انها تتعرف .. مش فاهم المشكلة في اي
Amira-elnagar
Moderator
Moderator
Options
جالاكسى A

omar8833

مساء الخير يا فندم مع حضرتك اميرة من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجهك

بناء على سؤالك أستأذن حضرتك فى التوجه لاقرب مركز صيانه 

للتمكن من فحص الجهاز ومساعده حضرتك 

للتعرف على أقرب مركز صيانه خاص لحضرتك من خلال الرابط التالى 

https://www.samsung.com/eg/support/service-center/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

0 Likes
omar8833
Active Level 3
جالاكسى A
البصمة مش شغالة عندي ارجو الإفادة
0 Likes
Future2Day
Expert Level 2
جالاكسى A
بالنسبة لبصمة الإيد، فى اكتر من نقطة
أولا: بصمة المستخدم ممكن متكونش واضحة عشان طبيعة الجلد أو استخدام مواد بتأثر على الجلد
ثانيا: سينسور البصمة فى المكان اللى تحت الشاشة وفى سامسونج مش عالى الدقة وممكن يأثر عليه اكتر من سبب ومنها الجهاز إتعرض لصدمات قوية - الشاشة فيها كسر عند منطقة مسح البصمة - وجود اسكرينة حماية للشاشة سمكها كبير أو وجود شرخ فيها عند منطقة مسح البصمة - خامة الاسكرينة بتأثر على جودة المسح - وجود فقاعات هواء بتقلل جودة المسح
ثالثا: لو المشكلة فى الاسكرينة، يتم تغيرها ويفضل تكون الخامة زجاج وقدرة الاسكرينة إنها تنقل اللمس بدقة عالية نقطة مهمة ولكن بالنسبة لسينسور البصمة المهم معامل نفاذية الاسكرينة للاضاءة اللى هتأثر على قدرة السينسور إنه يشوف البصمة بوضوح عشان كده يفضل إن خامة الاسكرينة تكون زجاج ولو منفعش ممكن يتم تعريف البصمات بدون إسكرينة حماية للشاشة
رابعا: عند إضافة بصمة يتم تعريف نفس الصباع فى الإيد اليمين والإيد الشمال مع بعض ويتم إضافتهم أكثر من مرة
خامسا: حذف البصمات وإضافتها من جديد كل فترة
سادسا: وجود شكوى أحيانا من أداء البصمة بعد التحديث فيمكن تحسين أداءها بحذف البصمات وإضافتها من جديد
سابعا: تفعيل خاصية زيادة حساسية اللمس
ثامنا: إذا كان نوع الحساس ضوئى فيفضل ان تكون خامة الاسكرينة من الزجاج ولكن فى حالة النوع الفوق صوتى فيفضل ان تكون خامة الاسكرينة من البلاستيك
omar8833
Active Level 3
جالاكسى A
انا عملت كل الطرق مفيش برضوا اي نتيجة .. من وقت ما غيرت الاسكرينة وهي البصمة مش راضية تتعرف نهائيا
Future2Day
Expert Level 2
جالاكسى A
جربت تشيل الإسكرينة وتعرف البصمة
0 Likes