Original topic:

الحل النهائي لاستنزاف البطارية

(Topic created on: 11-10-2019 10:38 AM)
695 Views
moutazed
Active Level 8
Options
جالاكسى A
السلام عليكم
في البداية احب اوضح ان الموضوع حصري وتعبت فيه كتير جدا علشان اوصل للنتيجة ديه
كلنا عارفين ان مشكلة استنزاف البطارية حاجة بتأرقنا كلنا وخصوصا انها بتخلص بسرعة رغم ان بطاريتنا ٤٠٠٠ مللي امبير فأزيد علشان كده فكرت اراقب نشاط البطارية وبدأت ادخل على كل تطبيق واراقب سحبه من البطارية لحد ما لفت نظري للأسف برنامج هو السبب في استنزاف البطارية بشكل مبالغ فيه لأكثر من الثلث ، البرنامج الخبيث ده للأسف هو كان السبب في استنزاف الطاقة بشكل ملحوظ
جوجل ايوة برنامج جوجل وجوجل اسيستنس فوجئت انه بيسحب ٣٣% من استهلاك البطارية وبالتالي بيعلي في استهلاك البطارية لخدمات جوجل
زي الصورة ديه كده

image

ديه صورة استرشادية لاستهلاك البرنامج في اسبوع متخيلين المهم ليه البرنامج ده بيستنزف الطاقة ديه كلها ببساطة لأنه دايما مفتوح في الوضع استاند باي علشان لما تتكلم او تقول اوكي جوجل يشتغل لذلك تلاقيه شغال في الخلفية على طول وفاتح المايك باستمرار
قررت اني الغي تفعيله وكانت النتائج مذهلة
اليوم الأول: ١٣ ساعة في وضع الاستعداد منقصش ١% يعني فضل بكامل قوته رغم انه فضل مفتوح ١٣ ساعة واستمرت البطارية يوم كامل و ٧ ساعات
اليوم الثاني:اختبرت استهلاكه وهو مفتوح بعد ما شحنته ١٠٠% وبدأت اشتغل عليه والمفاجأة كانت ١١ ساعة متواصلة فيديوهات وفيسبوك ومكالمات صوتية والشاشة كانت مفتوحة لمدة ٧ ساعات تقريبا وكان باقي في البطارية ٣٠% يعني حاجة بجد روعة
أخيرا ما اختبرتش البطارية على الجيم العالية والجرافيكس زي بابجي وغيرها واللي بالتأكيد هتستنزف البطارية بشكل اسرع

image


image


النقطة المهمة علشان تقفل البرنامج وتلغي تفعيله هتقف على الأيقونة بتاعته العادية اللي بتفتح منها التطبيق وتدوس دوسة طويلة ثم الغاء التفعيل هتلاقي الأيقونة اختفت ووقف تفعيلها ولو فتحت التطبيقات هتلاقي مكتوب قصاده زي اللي في الصورة ديه غير مفعل

image

 وابدأ اشحن الموبايل وجرب مع تفعيل وضع توفير الطاقة والله فرق كبير جدا في استهلاك البطارية اللي حرفيا لو استهلاكك عادي ومفيهوش جيمز كتير ممكن تستمر ليوم ونصف شغل وممكن ثلاثة أيام أو أكثر لو استاند باي
ويا ريت تقولولي اخبار البطارية ايه واتمنى اكون افدتكم
25 Comments
zafeer4
Expert Level 5
جالاكسى A
ده غير كمان إننا حدثت لأندرويد ٩ من يومين بس
رغم إنه متاح لى من ٢٢-٦
يعنى من ٤ شهور وربع
🌝🌝
فطبعا الحيل والجراءات اللى كنت باعملها مع الأوريو
عملتها وفادتنى كتير قوى الحمد لله
لكن برضه الباى أكثر استهلاكا للبطارية
بدون شك
وآدينى وراه

ربنا يوفقنى
ويوفق الجميع لكل صالح ومفيد
0 Likes
Diabdiabdiab
Active Level 1
جالاكسى A
اعادة ضبط مصنع للهاتف
0 Likes
moutazed
Active Level 8
جالاكسى A
ارجو من الجميع التجربة والرد
0 Likes
MYM123
Active Level 3
جالاكسى A
0 Likes
moutazed
Active Level 8
جالاكسى A
ارفع الصورة كاملة
0 Likes
Ahmed45
Active Level 1
جالاكسى A
0 Likes