Highlighted
moutazed
Active Level 7
السلام عليكم
في البداية احب اوضح ان الموضوع حصري وتعبت فيه كتير جدا علشان اوصل للنتيجة ديه
كلنا عارفين ان مشكلة استنزاف البطارية حاجة بتأرقنا كلنا وخصوصا انها بتخلص بسرعة رغم ان بطاريتنا ٤٠٠٠ مللي امبير فأزيد علشان كده فكرت اراقب نشاط البطارية وبدأت ادخل على كل تطبيق واراقب سحبه من البطارية لحد ما لفت نظري للأسف برنامج هو السبب في استنزاف البطارية بشكل مبالغ فيه لأكثر من الثلث ، البرنامج الخبيث ده للأسف هو كان السبب في استنزاف الطاقة بشكل ملحوظ
جوجل ايوة برنامج جوجل وجوجل اسيستنس فوجئت انه بيسحب ٣٣% من استهلاك البطارية وبالتالي بيعلي في استهلاك البطارية لخدمات جوجل
زي الصورة ديه كده

image

ديه صورة استرشادية لاستهلاك البرنامج في اسبوع متخيلين المهم ليه البرنامج ده بيستنزف الطاقة ديه كلها ببساطة لأنه دايما مفتوح في الوضع استاند باي علشان لما تتكلم او تقول اوكي جوجل يشتغل لذلك تلاقيه شغال في الخلفية على طول وفاتح المايك باستمرار
قررت اني الغي تفعيله وكانت النتائج مذهلة
اليوم الأول: ١٣ ساعة في وضع الاستعداد منقصش ١% يعني فضل بكامل قوته رغم انه فضل مفتوح ١٣ ساعة واستمرت البطارية يوم كامل و ٧ ساعات
اليوم الثاني:اختبرت استهلاكه وهو مفتوح بعد ما شحنته ١٠٠% وبدأت اشتغل عليه والمفاجأة كانت ١١ ساعة متواصلة فيديوهات وفيسبوك ومكالمات صوتية والشاشة كانت مفتوحة لمدة ٧ ساعات تقريبا وكان باقي في البطارية ٣٠% يعني حاجة بجد روعة
أخيرا ما اختبرتش البطارية على الجيم العالية والجرافيكس زي بابجي وغيرها واللي بالتأكيد هتستنزف البطارية بشكل اسرع

image


image


النقطة المهمة علشان تقفل البرنامج وتلغي تفعيله هتقف على الأيقونة بتاعته العادية اللي بتفتح منها التطبيق وتدوس دوسة طويلة ثم الغاء التفعيل هتلاقي الأيقونة اختفت ووقف تفعيلها ولو فتحت التطبيقات هتلاقي مكتوب قصاده زي اللي في الصورة ديه غير مفعل

image

 وابدأ اشحن الموبايل وجرب مع تفعيل وضع توفير الطاقة والله فرق كبير جدا في استهلاك البطارية اللي حرفيا لو استهلاكك عادي ومفيهوش جيمز كتير ممكن تستمر ليوم ونصف شغل وممكن ثلاثة أيام أو أكثر لو استاند باي
ويا ريت تقولولي اخبار البطارية ايه واتمنى اكون افدتكم
25 التعليقات
azizmesr
Active Level 6
طبقت الخطوات وفي انتظار النتيجة
رد
جارٍ التحميل...
nourasamy
Active Level 4
يعني دلوقتي لو وقفت تفعيله وشغلته هيشتغل عادي ولا ايه معلش مش فاهمه النقطه دي ؟
رد
جارٍ التحميل...
mo7AMED3RFan
Active Level 5
هيشتغل عادي
رد
جارٍ التحميل...
moutazed
Active Level 7
لو وقفتي تفعيل مش هيشتغل اعني المساعد جوجل اسيستنس
رد
جارٍ التحميل...
mo7AMED3RFan
Active Level 5
عادي مش لازم الغاء التفعيل للبرنامج يكفي عدم استخدام البيانات في الخلفية مع وضعه السكون
رد
جارٍ التحميل...
moutazed
Active Level 7
لا مش كفاية هيشتغل وهيستنزف من البطارية
رد
جارٍ التحميل...
mo7AMED3RFan
Active Level 5
عشان انت مديله صلاحيات كتير انا مكتفه من الاعدادات مش بيستهلك من البطارية غير لما انا افتحه واشتغل عليه
رد
جارٍ التحميل...
moutazed
Active Level 7
شوف عدم تفعيله ده هيؤدي لإيقاف خدمة المساعد جوجل اسيستنس اللي لو متفعل بيفضل فاتح المايك استاند باي علشان لما تقول اوكي جوجل وده اكتر شيء بيستنزف من البطارية ولو امكن ترفع تقرير من بطاريتك نشوف مع بعض
رد
جارٍ التحميل...
mo7AMED3RFan
Active Level 5
رد
جارٍ التحميل...