التوكيل والستهبال

[Suee]

يا جماعة انا بقالي شهر رايحة جاية على التوكيل عشان عندي مشكلة فالميكرفون ولما كنت بروح المشكلة مكنتش بتبقى ظاهرة عشان بيبقى شغال عادي ومرة عملولي أبديت سريع ولما رحتلهم تاني عملولي سوفتوير وبعد السوفتوير سألت الموظف هناك في حال إن المشكلة ظهرت تاني بعد الضمان إيه اللي يتم قال لي بكلم خدمت العملاء ويعملولي اسثناء للضمان وفعلا المشكلة حصلت معايا تاني اكتر من مرة وكلمت خدمت العملاء وقالولي اسلم الموبيل وهيشوفو المشكلة ويردوا علي رحت كان يوم أحد سلمت الموبيل وكلموني تاني يوم من قسم الشكاوي قالو لي الجهاز مفهوش مشكلة طبعا هما ملحقوش يشوفوه لأن أنا كنت مبلغاهم إنه مش بيحصل على طول المهم رحت اسلتمته وبعدها بـكام يوم حصل نفس المشكلة تاني وكلمتهم ولما كلموني قسم الشكاوي تاني وقالولي اسلم الجهاز لو المشكلة حصلت تاني وفعلا حصلت اكتر من مرة واكتر من الأول ورحت النهاردة سلمت الجهاز والميكروفون مش شغال خالص بقى شافوه قالولي محتاج بوردة .. النهاردة ببعت على الواتساب عشان اشوف حالة الصيانة ردوا وقالولي إنه تم فحص الموبايل ومفهوش مشكلة!! طب منين مفهوش مشكلة ومنين الموظفة شافت المشكلة لايف وقالتلي محتاج بوردة مع العلم إن البوردة دي معناها إن الموبايل يفصل تماما وميقومش!!

طبعا أنا مسكتش وقدمت شكوى في حماية المستهلك ومستنية منهم الرد .. خلاصة الموضوع إن توكيل سامسونج عبارة عن نصب!! 

محتاجة مسعادتكم اللي يعرف يساعد أو اللي يعرف يوصلني لمسؤول في سامسونج يا ريت عشان واضح إني فيه استهبال كبير

....................

 تعديل: انا استلمت الموبايل النهاردة كان عند الجهاز القومي وبلغوني ان المشكلة مظهرتش معاهم وطبعا قالو لي لو المشكلة ظهرت تاني بسلم الموبايل التوكيل تاني والموبايل دلوقتي تحت الاختبار فا اديني هتابع واشوف

[MohHeikal]

ان شاء الله هيظبط
بقاله معايا شهرين او تلاته معملهاش بعدها

[Suee]

tb tamam, 3la 5'eer insha'allah .. 2wel lma 2stlm el mobile insha'allah wl donia tzbot hktb post 23rfko

[Suee]

Masa2 el kheer, ana 2stlmt el mobile 2nahrda el gehaz el kawmy 3ml lagna wl moshkela mzhrtsh m3ahom, kda kda el mobile t7t el tgroba w lw el moshkela zhrt tany hwdy el mobile el twkel tany, ana l3'et el voice wakeup bta3 bixby w htabe3

[MohHeikal]

ان شاء الله هتتحل
انا أحييكِ على صبرك معاهم وعليهم والله

[MohHeikal]

احنا اتشلينا هنا من ناس عاملة نفسها فاهمة وراشقة في أي حاجه وهما ولا فاهمين اي حاجه وأغلب الأعضاء فهموا كدا وبيتجاهلوا تعليقاتهم
وكأنهم مش موجودين
هتعرفيهم بنفسك بس الأهم سيبك منهم حفاظاً على اللي باقي من صحتك 😉

[MohHeikal]

ياترى المشكلة اتحلت؟

[Suee]

Wallahy m3rfsh 2t7allet wla l2 bs l7d dlw2ty m7slsh 7aga

[MohHeikal]

وان شاء الله ميحصلش تاني