أخر تحديث نزلي لسامسونج A72 كان من شهر 9 وكان تحديث أمني يعني الشركة بتاعت سامسونج ماشية بمعدل كل 5 أو 6 شهور أنزلك تحديث أمني أنا شايف من وجهة نظري أن زي ما بيقولوا شركة سامسونج بخيلة مقارنة بشاومي وأوبو وريلمي اللي التطور فيهم سريع لك أن تتخيل أن شركة زي فيفو السوفت وير فيها مجانا عالطول بدون أي شروط أنما شركة سامسونج الموقرة تقولك التحديث بينزل في الفرع بفلوس للأسف الشركة فقدت مصداقيتها وبعض العملاء أكدوا أن تحديث أندرويد 14 نزلهم ولكن في مشاكل معني كدة أن الشركة مش صريحة مع عملاءها ومفيش أي تطوير ميغركش AI اللي منزلينة مجرد فرقعة مش أكتر
مساء الخير يا فندم مع حضرتك اية من سامسونج مصر بنشكرك جدا على طرح سؤالك وبنتمنى لحضرتك يوم سعيد بناءا على سؤالك برجاء توضيح استفسارك بشكل أكبر للتمكن من كامل الدعم و المساعددة ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
مساء النور أهلا وسهلا سؤالي بخصوص التحديثات وكلمتكوا كتير سواء شات أو فون أو روحت الفروع ولقيت كلام كتير مطلعتش بمعلومة واضحة وأكيدة في ناس من وعندكوا قالوا فعل التحديث التلقائي وفعلتة فعلا وناس تانية قالوا حد هيدخل ريموتلي وبعدها الموظفة قالتلي روح الفرع روحت فرع الحجاز الساعة 8:30 م الموظف بتاع التيكنيال قالي التحديث نزل بتاع أندرويد 14 وممكن أنزلة لحضرتك مانيوال من علي السيستم عندي بس أحنا خلصنا مواعيدانا لحد 8 وروحت في يوم تاني فروع عمارات العبور صلاح سالم الموظفين قالولي موبايلك مش هينزلة التحديث ولا هو ولا A52 وأرجع الفرع اللي قالك هينزلك التحديث علشان أحنا هنا فرع سامسونج تبع سامسونج أنما هناك سامسونج تبع راية وكانوا قرفانين من نفسهم فالمهم كلمت قسم الشكاوي قدموا شكوي وقالولي ممكن تروح الفرع تنزل التحديث ولكن بفلوس هل دة يعقل ياجماعة
