إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

التحديثات هتدمرلك جهازك

(أُنشأ الموضوع في: 07-24-2022 10:05 PM)
engineer3
Active Level 10
خيارات
جالاكسى A
من الاخر كده وعلي بلاطة اي حد يشتري موبايل وينزله تحديث هتلاقي بطارية موبايلك ادائها بيقل تدريجيا وبعد سنة هتبقي كفاءة البطارية ٥٠% بس
ثانيا هتلاقي بطئ ولاق وسخونة هتضعف البوردة وأخطاء في السوفت ومش هيحلوها
ثالثا اداء الكاميرا هيضعف وجودة الصور هتقل وفي الاخر هترمي الموبايل بعد سنة ونص وتشتري الاصدار الجديد ودي سياسة تسويقية بدل ما الموبايل يقعد معاك ٥ سنين عشان ماتجيش تشتكي حتي شركة ابل بتعمل نفس الحوار فالاحسن خلي موبايل بدون تحديثات نهائي.
واخيرا مش عارف هل لو رجعنا الموبايل للسوفت وير الأصلي هيرجع ذي ما كان ولا لأ ده هيحتاج اني اجربها الأول
8 التعليقات
siam555
Beginner Level 4
خيارات
جالاكسى A
كلامك صحيح .. ولو رجعت موبايلك علي ضبط المصنع هيبقي احسن
A-S
Active Level 6
خيارات
جالاكسى A
قلت نفس الكلام كتير بالنسبه للايفون وكان الناس مش بتصدقنى لانى من مستخدمين الايفون من بدايه ظهوره ولما غيرت لاندرويد من سنه لقيت نفس المشكله
اه شركه ابل بتنزل تحديثات اساسيه لخمس او ست سنين لاكن الجهاز بيوصل لمرحله من اللاج والبطئ بتخليك مجبر تغيره لأنك مستحيل تعرف ترجع لسوفتوير اقدم فى الايفون حاليا لاكن كان سهل زمان مع الجيلبريك والانلوك
ودى ميزه فى الاندرويد انك تقدر ترجع لاى
سوفتوير اقدم بمجرد فتح البوت لودر والروت
طالما مش فارق معاك تحديثات
وانت صح هى فعلا سياسه تسويقيه
وتقدر طبعا ترجع لاى سوفتوير اقدم براحتك بس هتخسر مع فتح البوت لودر
غير التحديثات اللى مش هتفرق معاك
المجلد الأمن وخدمات ونوكس
وطبيعى سرعه جهازك وأداء البطاريه هيرجع للطبيعى طالما البطاريه حالتها جيده
لانى جربت على جهاز سوني وشفت الفرق
RamyELGammal
Expert Level 5
خيارات
جالاكسى A
الكلام عن ان دي سياسة الشركات التسويقية كلام سليم جدآ وبالفعل كل الشركات بتعمل كده لزيادة المبيعات
بس في نقطة تانيه مهمه جدآ وهي التحديثات الامنية احنا لو اطلعنا علي التقارير الشهرية عن حجم الثغرات اللي بيتم اكتشافها وبالتالي معالجتها حاجه لا تصدق
والثغرات دي مش في نظام التشغيل فقط بل في التطبيقات ايضآ
التحديثات هي الشر اللي لابد منه والا نكون في خطر من الجهة الاخرى وبالذات لو بتستخدم الهاتف في مدفوعات او اطلاع علي حسابات او اي معلومات مهمه عامتآ من اي نوع
احنا بندفع ضريبة حماية جوجل وحماية سامسونح من اداء الهواتف
هي دي المعادلة اللي كل مستخدم لازم يختار ما بين امان معلوماته وبياناته وبين اداء الهاتف
انا عن نفسي معنديش الشجاعه اني ارجع لاندرويد ١٠ بأمان اوائل ٢٠٢٠ بعد اللي قريته وشوفته بالنسبة لتليفوني

A-S
Active Level 6
خيارات
جالاكسى A
عندك حق طبعا ما هى معادله صعبه
واكيد نادر اللى هيعمل كده وانا طبعا مش منهم لان اى حد حياته كلها بقت على الموبايل وأهم حاجه الامان ومعاملات البنوك
ده غير أن فتح البوتلودر برامج البنوك بتحس بيه والبرامج بتقف ومش بتشتغل حتى لو عملت إخفاء للروت مستحيل تخفى فتح البوت لودر
والأمان اهم من سرعه الجهاز والبطارية
بس دى الحقيقه بالنسبه للشركات مع الاسف
RamyELGammal
Expert Level 5
خيارات
جالاكسى A
ايوه طبعآ انت جبت المفيد وده اللي كنت بحاول اقوله ان حياتنا كلها اصبحت علي الموبيل
ده لو حد خد من عندك صورة هنزعل كلنا 😀

بالنسبة لموضوع الروت في نقطه
سواء اخفيت الروت او حتي بعد الروت قفلت البوتلودر تاني او حتي عرفت تعدي موضوع ال
SafetyNet
عشان موضوع تطبيقات البنوك بالذات
انت تضمن التطبيق اللي عملت بيه الروت منين اصلآ وهل المطور بتاعه هيكتفي بتمن التطبيق دا بالضبط كده مصارين الهاتف معاه احنا بنستبدل جوجل بشخص او بمطور 😀
A-S
Active Level 6
خيارات
جالاكسى A
كلامك صح طبعا وده سبب انى عملت كده فى موبايل مش اساسي عندى
انسان واعى ومحترم وفاهم يا رامى اتشرفت بمعرفتك
RamyELGammal
Expert Level 5
خيارات
جالاكسى A
تسلم 😘
الشرف ليا
Amira-elnagar
Moderator
Moderator
خيارات
جالاكسى A

engineer3

مساء الخير يا فندم مع حضرتك اميرة  من سامسونج مصر
 بنشكرك جدا علي طرح سؤالك ونتمنى لحضرتك يوم سعيد
يرجى عمل ضبط مصنع للجهاز عن طريق الخطوات الاتيه : 
- الضبط 
-الاداره العامه 
- اعاده الضبط 
-اعاده تعييين بيانات المصنع 
-اعاده الضبط 
-مسح الكل 
واستأذن حضرتك 
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج
 Samsung smart switch 
http://www.samsung.com/eg/support/smartswitch/
نتمنى حل المشكله عند حضرتك فى أقرب وقت ممكن
ولو عندك أى استفسار أخر
هتلاقينا موجودين تحت أمرك فى أى وقت
شكرا لحضرتك ولوقتك

0 نقاط إعجاب