البطاريه

[SILA713]

هو فعلا صحيح حوار ان اشحن الموبايل لغاية ٨٥ صح عشان البطاريه متبوظش بسرعة؟ ولا دة هبد 

ولو بشحن الموبايل كل يوم لغاية ١٠٠% دة غلط على البطارية؟

[Anonymous]

الشحن للاخر افضل لسببين
كل اجزاء اليطارية بتشتغل
وبتطولي فترة الاستخدام بعيدآ عن الكهرباء

الاهم الشاحن الاصلي وعدم تركه علي الشاحن بعد اكتمال الشحن عشان انتفاح البطارية

[SILA713]

يعني حضرتك تنصحي اسيبه للاخر دايما ومفصلهوش من الشحن عند ٨٥؟

[Anonymous]

بالضبط كده
وتفصلي الشاحن علي طول

[SILA713]

متشكرة لحضرتك هعمل كدة ان شاء الله

[mohamed748]

هو المفروض ل ٨٥ صح

[zinedine]

مع احترامي لتعليق استاذ رامي بس كلامه غلط طبعا والصح ان حضرتك تفعلي حاجه اسمها protect battery
الخاصيه ديه هتخلي الشحن هيبقي لحد ٨٥% وده هيطول العمر الافتراضي للبطاريه ويحافظ علي الموبيل وده مش كلامي ده كلام احد الناس المختصين كنت بتفرج عليه علي التلفزيون كام بيتكلم عن سبب انفجار احد الموبيلات في محل صيانه موبيلات

[Ahmed5Saber]

هو الاحسن ١٠٠%لان الخلايا الموجوده في البطاريه تفضل نشطه لان عند الشحن ل٨٥%الخلايا اللي فوق مبتشتغلش فا البطاريه هتبوظ

[تيوليب]

سامسونج نفسها عامله وضع حماية البطاريه وهو شحنها ل ٨٥% واذا كان ضرر فهى مش هاتعمله

[Tekoo10]

انا مش مهندس. بس حسب كل الكلام إلي قراته عن الحوار ده ان الاصل الشحن ل ٨٥% لان الشحن ل١٠٠% ه يعتبر دورة شحن. وإلي لها عدد معين لما نوصله ب نحتاج نغير البطاريه عنده. عشان كده نظام سامسونج فيه الاختيار بتاع حماية الهاتف انه يوصل ٨٥% ويفصل. في نفس الوقت الاستهلاك ل ٢٠% يكون أفضل، او أصح.

ولكن يستحب زي ما استاذ رامي قال من وقت للتاني شحن البطاريه لآخرها عشان حوار تنشيط الخلايا ده.

وياريت لو شباب هندسه يصححوا لنا لو في حاجه غير دقيقة.