البطارية

[amir8050]

جالكسى A51

البطارية بتقعد بالعافية ١٠ سعات و لو فتحت باقة الانترنت من البيانات البطارية بتخلص بسرعه 

هل هذا طبيعى

مع العلم التليفون جديد بقالة شهر

وشكراً

[Sara-nader]

مساء الخير يا أستاذ أمير مع حضرتك ساره من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك

بناءا على سؤالك 

أستأذن حضرتك فى اتباع الخطوات دى :

1.قم بتعديل درجة سطوع الشاشه

2-كل ما كانت الشبكه ضعيفه كل ما كان التليفون بيبذل جهد وبيقوى الشبكه فبالتالى بيسحب من البطاريه 

3-قم باغلاق التطبيقات المفتوحه 

4-قم بالتأكد من عدم وجود أى مشكله فى البطاريه الخاصه بالجهاز أو زر التشغيل 

5 -استخدام الشاحن الاصلى بالجهاز 

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[marwa91]

بعد اذن حضرتك انا نفس مشكلة البطارية فى نوت ٢٠ الترا مش بتكمل ١٢ ساعة
هل ده عيب فالموبايل

[amir8050]

بشكر حضرتك جداً

[amir8050]

والله يا استاذة عامل كل الاحتياطات و بزيادة لان انا قديم اوى فى تليفونات سامسونج بس المشكلة كلها مع تشغيل الباقة انما مع تشغيل الواى فاى البطارية كويسة انما مع تشغيل الباقة المشكلة بتكبر
انا عارف طبعا ان الباقة بتستهلك البطارية دة طبيعى انما لما اتكلم على تليفون ماركة محترمة بحترمها من زمان ومش بجيب غيرها و مع تليفون مش رخيص يبقى الموضوع فية حاجة مش منطقية

انا شايف ان فئة A
كذا موديل نفس البطارية بس الامكانيات بتزيد فكل ما بتزيد الامكانيات بتزيد الفلوس و تقل كفاءة البطارية لانها ٤٠٠٠ أمبير فيهم كلهم معادا A71
و A51 تليفون محترم و ذكى جداً بس بطاريتة نفس بطارية تليفونات اصغر منة

[AhmedNZ]

لو الشبكه عندك سيئه استهلاك البطاريه هيبقى عالى جدا خصوصا لو فى العاب ولو مفيش برضو بيبقى عالى ولو الشبكه كويسه الاستهلاك مبيفرقش عن الواى فاى كتير