انا الجهاز بتاعى سايبه بليل ٩٠% صحيت لقيته ٨٢% هل ده طبيعى انه يفقد ٨% لوحده مع ان حاطط تطبيقات كتير فى وضع السكون و قافل الموقع و البلوتوث و مفعل الوضع الليلى و مش عارف فى ايه مع انه كان بيفقد ٥% قبل كده برده فى حل ؟؟؟؟
لا مش بستخدمه خالص على الشاحن ، كنت بسيبه يشحن مثلا قبل ما انام لحد ما اصحى بشيله بس بقالى فترة معتش بسيبه بشحنه و اشيله علطول ، بسيبه لحد ما يبقى ١٥ % مش بسيبه يقل عن ١٥ ، طبيعة استخدامى ليه س سوشيال ميديا فقط مش بلعب عليه خالص
معنى كده كنت بتسيب الجهاز على الشاحن فى حدود سبع ساعات أو اكتر بصورة متكررة. لا يفضل ترك الجهاز على الشاحن بعد إنتهاء الشحن وفى حالة ترك الجهاز على الشاحن بعد إنتهاء الشحن فلا يزيد عن ساعة واحدة أو ساعتين كحد أقصى
سيبه يشحن لغاية ما يكمل شحن عشان تستفاد بأطول مدة إستخدام ولو البطارية قلت عن اربعين إشحنها لو ينفع المهم متقلش عن عشرين ولو حصل مش مشكلة بس متكونش بصورة متكررة
مساء الخير يا فندم مع حضرتك اميرة من سامسونج مصر بنشكرك جدا علي طرح سؤالك ونتمنى لحضرتك يوم سعيد بناء على سؤالك بشكل عام ، يتم تطبيق تحسين أداء البطارية من خلال التعرف على نمط استخدام البطارية بعد الاستخدام الأولي بعد شراء المنتج أو ترقية نظام التشغيل. خلال فترة تعلم نمط استخدام البطارية الأولي ، قد تشعر باستنزاف البطارية بسرعة. إذا تم استهلاك البطارية بشكل مستمر لفترة طويلة ، فقد يكون ذلك عاملاً آخر ، لذا يرجى التحقق مما يلي بشكل إضافي. عند تشغيل تطبيقات متعددة في نفس الوقت ، وتشغيل الألعاب أو التطبيقات التي تتطلب دقة عالية وأداءً عاليًا ، وتشغيل المزامنة Wi-Fi, Bluetooth, GPS,التلقائية و سوف تستنزف البطارية بسرعة يوصى بتحسين وقت استخدام البطارية عن طريق ضبط بطارية قابلة للتكيف أو إضافة تطبيقات غير مستخدمة للنوم بناءً على نمط الاستخدام الخاص بك. (الإعدادات ← العناية بالبطارية والجهاز ← البطارية ← المزيد من إعدادات البطارية ← تشغيل البطارية التكيفية) يمكنك أيضًا التحقق من حالة البطارية باستخدام تطبيق ذا كنت تستخدم وظيفة العناية Samsung Members بالهاتف الخاصة بأعضاء سامسونج كنك التحقق من حالة البطارية بنفسك من خلال الخطوات التالية samsung Members > Get help > Interactive checks > Battery. ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
انا فعلا كان بيحصل معايا كده لكن لما عملت الخطوات دول فرقوا معايا جدا ومباقتش بتقل ، اول حاجه انك ماينفعش تشحن البطاريه لحد ١٠٠% ده غلط لانه بيضعفها وهي اصلا عمرها بيبقا ٥٠٠ دورة شحن كامله فأنت كده بتقل من عمرها فهتروح تفعل حماية البطاريه وهي خاصيه حلوه اوي وانك مثلا بتنسى موبايلك ع الشاحن بس هو بيشحن لحد ٨٤% وبيوقف شحن لوحده عشان يحمي البطاريه ويطول في عمرها الافتراضي ، تاني خطوه لما تيجي تنام فعل وضع الطيران وتوفير الطاقه وصدقني هتصحى مش هتلاقيها قلت خالص ممكن بالكتير اوي ١% وجربها وقولي.
