البصمة الخلفية لموبايل A11 بتتوقف

[EngAhmed89]

انا لسه مشترى تليفون سامسونج A11 

البصمة مرة واحدة مش بتشتغل واما بدخل على الاعدادات بتطلع الرسالة دي

والمشكلة مش بتتحل غير انا اعمل ريستارت للموبايل بعدها بفترة تتكرر المشكلة تاني ممكن في اليوم ٣ او ٤ مرات 

يعني مش كفاية ان البصمة استجابتها بطيئة وممكن احرك صوباعي كذا مرة عشان تشتغل لا كمان بتفصل!!!!

[SANHOURY]

روح لمركز الصيانة لان دا يا اما عيب سوفت و دا سهل يا اما الsensor بيتغير بالكامل

[zafeer4]

غالبا ده عيب صناعة
حضرتك فى الضمان اذهب
لمركز سامسونج
واطلب استبدال
و ما تطلبش إصلاح
وتصر على كده

وارجع لجهاز حماية المستهلك
لو رفضوا

[YoussefAbdelrahman]

حصلت قبل كدة مع صحبي و عمل سوفت و اتحلت

[3MK_SOSTA]

فيه حل روح شركه سامسونج وقول عايز اعمل كشف علي الجهاز وده بيكون وقتي حضرتك والكشف مجاني بدون اي رسوم وتقولهم علي المشكله وتصورلهم انت عملت ريستارت وبردو بترجع المشكله تاني وكده يكون قدامك 3 حلول يغيرولك البصمه او تبدل التلفون او ترجعو ده لو التلفون مفهوش اي خربوش في الشاشه واصر انك ترجع الموبايل واشتري موبايل M11او A21s الي معايا وممكن تدفع الفرق عندهم وبس ولو محلوش المشكله اتصل بحمايه المستهلك وانشاء الله تتحل المشكله وتبدل الموبايل

[Samah-Ahmed]

مساء الخير يافندم

مع حضرتك سماح من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناء على سؤالك من الموضح أن حضرتك بتواجه مضكله فى البصمه الخاصه بجهاز الA70

أستأذنك فى عمل الخطوات الاتيه :

1-فتح الضبط 

2- الشاشه 

3- تفعيل حساسيه اللمس 

4- الغاء اللمس العرضى

ثم اعاده تشغيل الجهاز وتشغيل بصمه جديده 

ثم عمل اختبار البصمه الخاص بالجهاز  

1- الاتصال بكود *#0*#

2-نختار كلمه sensor

3-نختار finger print 

4- ضغط على normal test 

نتركها تعمل scan لو ظهر لحضرتك كلمه pass تبقى المشكله اتحلت

نتمنى حل المشكله عند حضرتك فى أقرب وقت ممكن و 

موجودين تحت أمرك وفى خدمتك فى أى وقت 

شكرا  لحضرتك ولوقتك

[EngAhmed89]

الموبايل بتاعي A11
الكود *#0*#
مش شغال

[EngAhmed89]

تمام انا وقفتها والبصمة بطلت تعلق بس هو ايه فايدتها ؟؟

[EngAhmed89]

وليه الاكواد السرية زي
*#0*#
مش بتشتغل عندي ؟؟

[Samah-Ahmed]

استاذنك توضيح الرساله اللى بتظهر لحضرتك لما تضغط على الكود