اشعارات A52

[Ahmedmohya]

بيجيلى اشعارات من شركة فودافون والموبايل فى وضع القفل (زى اللى فى الصورة) بيفضل الموبايل منور بسببها ومش بيضلم غير لما اخرج انا منها واحيانا بتيجى بالليل وانا نايم وبيفضل الموبايل منور طول الليل وبصحى الاقيه خلص شحن ... احل المشكلة دى ازاى ؟؟

[Anonymous]

وانا بتحصلى بس من شركة اتصالات وانا قافل البيانات بس بعمل الاتى بفعل وضع الطياران واشغلة تانى بعد كدا مش بلاقى الرسالة دى تانى..... بس لو فتحت البيانات بالغلط وانا مش معايا رصيد بتظهر تانى ومنيجى عامل وضع الطيران من جديد ومنطفية

[Ahmedmohya]

مش حل ان افعل وضع الطيران كل ما اسيب الموبايل علشان متظهرش بيجيلى مكالمات كتير ومش هعرف ابقى مفعل وضع الطيران

[Anonymous]

اقصد فعل الوضع وافصلة تانى فى نفس الوقت فعل الوضع لحد متلاقى اشارات الشبكة اتكنسلت من فوق وبعد كدا افصل الوضع من جديد

[Ahmedmohya]

يعنى انا لو فعلت وضع الطيران مرة وهى موجودة مش هتظهر تانى الاشعارات دى ؟؟

[Anonymous]

طب هقولك اعمل الموضوع ده دلوقتى فعل وضع الطيران واستنى ثانيتين وافصلة ومش هتلاقى الرسالة دى تانى بس فى حاجة لو انت مش معاك رصيد على الخط وفتحت بيانات الهاتف هتظهرلك تانى فتعمل وضع الطيران من جديد

[Anonymous]

وكمان لو تاخد بالك عند علامة البيانات هتلاقى علامة H العلامة دى تدل ان انت مش معاك رصيد او مفيش شبكة وتظهرلك الرسالة والموضوع ده بيحصلى وبنعمل وضع الطيران وافصلة تانى لان بيكون العيب مش من التلفون بيكون من الخط

[Ahmedmohya]

انا بيتهيالى دى مشكلة فى التليفون المفروض الاشعار ده ميظهرش ويظهر الكيبورد كده وانا قافل الموبايل كده انا معرض ان اى حد يغيرلى اعدادات الخط بتاعى وثانيا انا كان معايا موبايل قبل ده وبنفس الخط ومكنش الاشعارات دى بتظهر كده ولا الموبايل بيفضل منور كده .. انا جربت موضوع وضع الطيران ده واعتقد انه مش حل نهائى خصوصا انى دايما فاتح بيانات الهاتف

[mohamedalngar]

اغلق الاشعارات على شاشة القفل

[Anonymous]

هيكون الرسالة شغالة فى الخلفية وبتستنزف من البطارية افضل شى فعل وضع الطيران واقفلة تانى