هي مش بسنة الاصدار هي بنسخة الاندرويد اللي تم الاصدار بيها زائد الفئة لان عدد الترقيات بيختلف بين الفئات او حتي بين موديلات بعينها بيتم تسميتها
لو انت كام بأصدار ١٠ يبقي كده الوضع طبيعي وملوش ١٣ بالنسبة ل ابه ١٢ كان في منه اصدارين واحد صدر ب ١٠ وده انا شايف انه ملوش ١٣ والتاني اللي صدر ب ١١ ( الناتشو ) هو ده اللي ليه ١٣
طبعآ في لغط والموضوع مش معلن بوضوح ومكتفيين باشعار ان ايه ١٢ ليه اندرويد ١٣ هنشوف ساعتها كان ايه المقصود بالضبط
هما بيقولوا A12 هيوصل في فبراير ف هنستني ونشوف هينزل للعادي ولا هما قصدهم الناتشو بس ، وانا معايا النسخة العادية ولو نزل اندرويد 13 في فبراير زي ما بيقولوا يبقي كدا زي ما قولت حضرتك ، ان فيه تليفونات بيوصلها 3 ترقيات وتليفون بتستقبل ترقيتين فقط ، وممكن يكون A12 العادي له 3 ترقيات واخر نسخة اندرويد ليه هو اندرويد 13 . بس برضو مش فاهم اشمعنا الA12 العادي اللي هيكون له 3 ترقيات يعني مثلا اهو m31 وصلوا ترقيتين فقط ومش هيوصله التالت !! محدش فاهم شركة سامسونج هتعمل ايه بالظبط
هي سياسة سامسونج واضحه ومعلنه بخصوص التحديثات الفئة المتوسطه والاقتصادية ترقيتين فلاج شيب ثلاث ترقيات طول عمرها ماشيه كده لحد وقت صدور ال ايه ٧١ وال ايه ٥١ راحت ساعتها سامسونج اعلنت ان ال ٢ دول ليهم ثلاث ترقيات وفعلآ ده اللي اتطبق عليهم وعلي ال ايه ٥٢ و ال ايه ٧٢
ثم اعلان اخر قريبآ ان الفلاج وال ايه ٥٣ وال ايه ٧٣ وال ايه ٣٣ اربع ترقيات
انا شايف ان السياسة واضحه اللهم موضوع ال ايه ١٢ فيه لغط شوية وانا وضحت فوق وجهتي نظرى او اللي فهمته
