ازاي مخليش الريكوردات تنزل علي samsung music؟

[_MohamedSaid]

عندي مشكله كل ما اسجل ريكورد بينزل علي samsung music والموضوع ده متضايقني حد عنده حل؟

[AmrMuhamed]

جرب تفتح صفحة قائمة الفولدرات او الملجدات داخل التطبيق و بعدها اضغط علي ال 3 نقاط في الأعلي و اختار إخفاء المجلدات و بعدها اختار المجلد الي عاوز تخفيه و في الحالة دي هتخفي Voice Recorder
بعدها مش هتلاقي الفولدر ده ظاهر قدامك من داخل التطبيق

و بشكل عام الافضل برده انك تجمع كل المحتوي الصوتي الي حابب تسمعه و توزعه داخل فولدرات منفصلة عن بقية الملفات الصوتية العامة زي الريكورد لمنع تداخلهم مع بعض او إخفائهم 
لان كل تطبيقات الموسيقي سواء سامسونج او غيره بيقدر يشغل اي ملف صوتي بدون تميز محتواه سواء كان ريكورد او موسيقي طلما هو ملف صوتي في الاخر 

[Hòssam]

https://youtu.be/wadYlmW_0sc

[samsungmena]

_MohamedSaid

مساء الخير يا فندم مع حضرتك ندى من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

بستاذن حضرتك تتبع الخطوات التاليه

الضبط - الادارة العامة – اعاده ضبط – اعاده ضبط الاعدادات

فى حالة استمرار المشكلة يرجى اعادة ضبط المصنع للجهاز.

الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch

http://www.samsung.com/eg/support/smartswitch/

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[AmrMuhamed]

الوضع مش مستاهل إعادة ضبط المصنع للجهاز
حتي لو عمل إعادة ضبط المصنع بمجرد ما يكون علي موبايله ريكوردات جديدة هيلاقيها برده في تطبيق موسيقي سامسونج 

هو بس محتاج يضبط في إعدادات التطبيق ان فولدر التسجيلات يكون مخفي كما وضحنا في التعليقات السابقة و بعدها يستمتع بتجربة التطبيق بدون مشاكل