ازاي اعرف...؟

[Bafari_7]

انا اخويا استعماله وحش اوي في التليفونات فا ازاي اعرف ان التليفون دلوقتي زي ما بنقول كده مهلوك او اتفحت مع العلم ان التليفون مفيش اثار لي حدوش او كسور في الشاشه انا عايز اطمئن علي سوفت و هارد الجهاز انو سليم عشان هو استعانله وحش بي غباء......

[العبقري-الفذ]

فهمت قصدك كويس، إنت عايز تتأكد إن الموبايل بعد استخدام أخوك الكتير لسه سليم ومش "مهلوك" سواء من ناحية الهاردوير أو السوفت وير.

خليني أديك خطوات عملية كده كأنك بتعمل فحص شامل بنفسك:


---

🔧 1- فحص الهاردوير (Hardware)

🔋 البطارية:

ادخل على Samsung Members → التشخيص → البطارية.

لو النتيجة "Good" يبقى تمام، لو "Weak" يبقى عمر البطارية قل وممكن تحتاج تغيير.

كمان راقب هل البطارية بتنزل بسرعة غريبة أو الموبايل بيسخن جامد؟


🔌 الشحن و USB:

جرب أكثر من كابل أصلي وشاحن سريع.

لو بيشحن من نحية واحدة أو بيقطع → المنفذ استهلك ومحتاج يتغير.


📱 الشاشة واللمس:

اعمل تشخيص للشاشة من نفس التطبيق (Samsung Members).

دوس في كل مربعات الألوان (أحمر – أخضر – أزرق – أسود – أبيض) عشان تتأكد إن مفيش بقع.

جرب اللمس: لازم يستجيب في كل أطراف الشاشة.


🎧 السماعات والمايك والكاميرا:

Samsung Members عنده اختبارات للميكروفون والسماعة والكاميرات.

كمان جرّب مكالمات عادية + سبيكر.


📶 الشبكة:

شوف استقبال الشبكة والـ Wi-Fi، لو بيقطع كتير ممكن يكون فيه مشكلة في الأنتينا.



---

💻 2- فحص السوفت وير (Software)

روح للإعدادات → حول الهاتف → معلومات البرنامج → شوف آخر تحديث، لو مش محدث يبقى حدثه.

افتح “استخدام البطارية” وشوف لو فيه تطبيقات غريبة بتسحب الطاقة.

لو الموبايل بيهنج أو بيعمل Restart من نفسه → ممكن يكون محتاج إعادة ضبط مصنع (بعد حفظ النسخة الاحتياطية).



---

🧪 3- اختبار عملي (أنت بنفسك)

شغّل لعبة تقيلة زي PUBG أو Call of Duty ربع ساعة → راقب الحرارة والأداء.

شغّل فيديو 4K → شوف لو فيه تقطيع.

جرب الكاميرا الأمامية والخلفية + الفلاش.



---

📌 الخلاصة:

لو كل الفحوصات في Samsung Members بتقول "Good" والموبايل مش بيسخن زيادة ولا بيهنج → الموبايل سليم ومش "مهلوك".

لو فيه مشاكل متكررة (شحن بيقطع – بطارية ضعيفة – حرارة – تهنيج) → دي علامات إن الجهاز استهلك جامد وممكن يحتاج صيانة أو تغيير بعض القطع (بطارية، منفذ شحن مثلاً).

[lawren]

اول حاجه بالنسبة للسوفت وير جرب تفتح برامج كتير مع بعض وتشوف هل الجهاز بيبطأ ولا لأ وتأكد انه متحدث لاخر اصدار ولو البطاريه بتنزل بسرعه او الجهاز بيسخن جامد من غير استخدام يبقى في مشكله وساعتها اعمل ضبط مصنع

بالنسبه للهارد وير افتح خلفيات سادة باشكال مختلفه وتأكد مفيش بقع غريبه في الشاشه وجرب اللمس بالكود *#0*# لو الموبايل سامسونج هتلاقي اختبارات للشاشه واللمس والسماعه والمايك جرب تسجل صوت وتتصل بحد وتتأكد الصوت تمام وافتح الكاميرا قداميه وخلفيه وتأكد الصوره مظبوطه وبالنسبه للبطاريه هتلاقي حالتها من الاعدادات في العنايه بالجهاز

الجهاز بيبان مهلوك لما البطاريه متكملش نص يوم والجهاز يسخن بسرعه او التاتش يعلق او يعمل ريستارت لوحده او صوت السماعه يبقى واطي ومشوش او الكاميرا تبقى ضبابيه

[Bafari_7]

بي امانه بي غض النظر عن اهميه التعليق وكميه المعلومات الي فيه شكرا بجد علي
👏التقدير بي كتابه كل الكم ده 👏
ياريت والله كل الناس تبقا زيك
واتمني اعرف اقدرك بي الشكل ده في يوم من الايام ❤️
❤️

[lawren]

متشكرة لذوق حضرتك كفاية عندي إن معلوماتي أفدتك ❤

[Bafari_7]

❤...اكيد استفت شكرا لي اهتمامك بجد
❤️انتي اول شخص أتابعه علي+
Samsung members

[lawren]

دا شرف ليا والله ❤❤