احمد

[ygbjcv]

Samsung a24 المعالج باظ ، ينفع يتغير لوحده ولا لازم بوردة ؟ وتمنه كام ؟

[AhmedTechExpert]

هل ينفع تغيير المعالج (CPU) لوحده؟

​من الناحية النظرية: ينفع، ودي عملية بيسموها فنيي الصيانة "شبلنة" أو تغيير آي سي (IC).

من الناحية العملية: الموضوع صعب جداً ومخاطرته عالية لعدة أسباب:

​الدقة المتناهية: المعالج في الـ A24 (وهو Helio G99) بيبقى ملحوم بمئات النقط الدقيقة جداً على البوردة. ​الحرارة: فك المعالج بيحتاج حرارة عالية ممكن تضعف المكونات اللي جنبه أو تخلي البوردة "تضرب". ​التكلفة مقابل النتيجة: نادراً ما بيرجع الموبايل لحالته الطبيعية 100% بعد عملية زي دي، وغالباً بيقطع باور تاني بعد فترة قصيرة. ​الحل الأفضل: تغيير البوردة كاملة

​في موديلات الفئة الاقتصادية والمتوسطة زي الـ A24، تغيير البوردة (Motherboard) هو الحل الأضمن والأسرح.

​الميزة: الموبايل بيرجع كأنه جديد لأنك غيرت "عقل" الجهاز بالكامل. ​العيب: هتفقد كل البيانات اللي كانت على الموبايل (الصور، الملفات، إلخ) لأن الذاكرة بتبقى مدمجة في البوردة. بالنسبه للتكلفه فانا ما اعرفش وما اعرفش شخص بيغير معالجات

[ygbjcv]

تمن البوردة ٥٠٠٠ جنيه في موبايل زي دا حرام ، الموبايل شغال عامة بس بيرستر لوحده ومن شوية فصل شحن مرضيش يشتغل تاني غير ب العافية ، ان اغيره البوردة صعب

[AhmedTechExpert]

يبقى تشوف واحد يعمل لك البروسيسور يا اما بعدها تكمل بيه او تبيعه انا لو كنت اعرف لك حد بيعمل موضوع البروسيسور كنت قلت ربنا يعينك ويعوض عليك❤

[ygbjcv]

حىيبي شكرا

[TheUnκn0ωη]

منين شخصت ان المعالج باظ؟
المعالج لو باظ فالجهاز مش هيشتغل خالص وهيبقي حتة بلاستك

لو عشان بيراستر لوحده فده مشكلة منتشرة شوية عند البعض وغالبا مشكلة سوفتوير فتاكد انك تحدثه لاخر تحديث وخصوصا تحديثات جوجل الي وصلت اخيرا
لاكن مهياش مشكلة معالج ولا حاجة ولا محتاج تغير بورده
هي مشكلة غريبة شوية ومش عارف سببها بس حصلت لناس كتير مش لوحدك فجرب بس تحدثه وشوف

[ygbjcv]

الموبايل فصل شحن مرضيش يشتغل تاني بعد ما حطيته علي الشاحن ف وديته لحد صيانة اول ما حطه علي جهاز الحرارة سخنه علشان يفك المسامير اشتغل ، ف قالي المعالج بايظ، الموبايل متحدث اخر اصدار ، هو حاليا شغال عادي ، لما كنت بدوس علي ضهره كان بيفضل يفصل ويشتغل

[TheUnκn0ωη]

مش مقتنع بالكلام ده الصراحة
انت لما بدوس علي ضهر الجهاز بيفصل ويشتغل؟
بيفصل بمعني انه بيعمل ريستارت ؟
يبقي غالبا مشكلة في البطارية والله اعلم
الافضل تروح التوكيل يشخصلك المشكلة ويشفها اضمن من بتاع صيانة مش مضمون لان مش ديما بيبقوا صح
المنطقي ان لو المعالج بايظ فالجهاز مش هيشتغل تاني
ارجع للتوكيل يشخصلك الموضوع بس ممكن تطلع حاجة بسيطة ولو فعلا طلع في المعالج وهتحتاج تغير برده ممكن تاخد منهم الجهاز تاني لو معندكش الامكانية تصلحه ولو وصل النقطة فبلاش تصلحه اصلا

بس لو عايز تعرف تشخيص امن ارجع للتوكيل افضل خصوصا ان جهازك معداش عليه كتير عشان تحصله حاجة زي كده وتبقي في المعالج

هي غالبا بطارية طلما فصل ومشتغلش ولما بدوس عليه بيفصل والله اعلم

[ygbjcv]

هرجع للتوكيل اشوف كلامهم ,شكرا