إعادة تشغيل

[tahaelabloky]

الموبايل جدبد  لسه مكملش معايا شهر وله يومين  بيعمل إعادة تشغيل  لوحده كل خمس دقايق  او ربع ساعة 

[Future2Day]

المشكلة ديه مشهورة فى اكتر من موديل
نتأكد من حالة البطارية من خلال نفس التطبيق ده سامسونج ميمبرز والدخول على قائمة الحصول على مساعدة فى الواجهة الرئيسية للتطبيق وبعدين إختيار تشخيص لإختبار الجهاز وإختيار حالة البطارية وبعدين محاولة فالمفروض تكون طبيعى
ولو مش مفعلين خاصية إعادة التشغيل اللى موجودة فى الإعدادات - البطارية والعناية بالجهاز - الثلاث نقاط - التشغيل الآلى - إعادة تشغيل الجهاز (لازم تكون مش متفعلة)
الحلول المقترحة بتكون إنتظار تحديث ولو منفعش يبقى إعادة ضبط مصنع ولو منفعش يبقى تنزيل سوفت/روم فى التوكيل ولو منفعش يبقى تغيير بوردة خاصة بدايرة الشحن فى التوكيل

[samsungmena]

tahaelabloky

مساء الخير يا فندم مع حضرتك زهره من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

بخصوص استفسار حضرتك برجاء التأكد من الخطوات التالية :

تأكد من عدم تعرض الجهاز للسقوط او لاى سائل

التأكد من توفير مساحه كافية بالجهاز

استخدام الشاحن والاكسسوارات الاصلية الخاصة بالجهاز

فى حالة استمرار المشكلة يرجى اعادة ضبط المصنع للجهاز.

الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch

http://www.samsung.com/eg/support/smartswitch/

وفى حالة استمرار المشكلة استأذنك تشرفنا فى اقرب مركز صيانة حتى يتم فحص الجهاز وحل المشكلة لحضرتك

يمكنك معرفة أقرب مركز صيانة عن طريق الرابط التالي

https://www.samsung.com/eg/support/service-center/

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[tahaelabloky]

المشكلة ان الموبايل لسه جديد مكملش شهر يبقى ازاى اعمل ضبط مصنع

[Mid0Roid]

معاى a51 قابلت نفس المشكله بيعمل اعادة تشغيل كل ٥ دقايق
روحت لفرع الشركه الوسخه النصابه قاللى بورده وفترة الضمان خلصت من يومين ومرضيش يغيرها
على عكس شركة هواوى من انضف واقيم الشركات فعلا جربتهم ف موبايل كان عدى على فترة الضمان شهر وبالرغم من كده غيرلى البطاريه مجانا على اعتبار انها فى الضمان
شكرا شركة هواوى بجد اقسم بالله