أنا اشتريت هاتف a05s بدون راس الشاحن ، هل ممكن اكلم الضمان واخد منهم شاحن

[midical]

أنا اشتريتa05s  بدون راس الشاحن ، هل ممكن اكلم الضمان واخد منهم شاحن

[FaresMohamedKelany]

طبعا لا لازم تتواصل مع المحل إلي إشتريت منه الموبايل
لأن الشركة مدياله مع الموبايل الشاحن هدية مجانية لحاد نفاذ الكمية
و التجار بياخدوا الشاحن و بيخفوا كلمة هدية مجانية و بيبعوه بسعر 700 جنيه

[midical]

يعنى لو المحل رفض إيه الإجراء اللي ممكن اعمله

[FaresMohamedKelany]

لو المحل رفض رجعله الموبايل و خد فلوسك و لو مرضيش إطلع علي الحماية المستهلك و إشتكيه و هما حيجيبولك حقك و برضوا روح التوكيل و إسئل ممكن يقولولك حل أفضل من كده

[FaresMohamedKelany]

أنا نفس الموقف حصلي بس إشتريت A25 5G و إشتريت الشاحن بي 700 ولما رحت التوكيل أتاكد إن الشاحن أصلي ولا لا قالولي إن الشاحن أصلي و المفروض هو هدية مجانية من الشركة لحاد نفاذ الكمية و ده مع هواتف سامسونج A05s و A15 و A25 روحت للمحل إلي إشتريته منه و قولتله و مسحت بيه الأرض لأن كان عايز يديني سعر الشاحن إلي هو 700 جنيه و سعر الشاحن في التوكيل 800 جنيه و بعدين الموبايل أصلا بياجي معاه شاحن
في الأخر حسبلي سعر الموبايل بالشاحن نفس سعر التوكيل علي رغم إن المفروض المحل بيكون أرخص من التوكيل لاكن نقول إيه حسبي الله ونعم الوكيل فيهم

[midical]

أنا لسه متصل بالمحل اللي اشتريت منه دلوقتي بيقوللي أن عرض الشاحن من الهاتف ده مش متوفر عندهم ، ايه الإجراء اللي ممكن اتخذه ضده

[FaresMohamedKelany]

الله أعلم ممكن يكون فعلا العرض إنتهي عندهم و ممكن يكون بيضحك عليك و في كلتا الأحوال عوضك علي الله و حسبن فيهم ربنا

[midical]

يعنى ماينفعش أبلغ التوكيل أو حماية المستهلك

[FaresMohamedKelany]

لو العرض إنتهي من عنده فعلا زي ما بيقول يبقي لا و تواصل مع التوكيل هما حيعرفوا أكتر من أي حد

[midical]

طب ماتعرفش رقم التوكيل للاتصال كام