أسوء تجربة a52s

[Noha_A52S]

يعني موبايلي وقع وقعة خفيفة من السرير للسجادة بعدها صوت المايك بقى عبارة عن زنة 

رحت التوكيل قالي هنغير المايك بالف ونص قلتله طب افتحه ممكن حاجة مهزوزة او او حاجة بسيطة اتفكت وهيرجع يشتغل قالي مفيش حاجة بتتحرك هو مادام مش شغال يبقى يتغير ومفيش اي اوبشن تاني 

رغم اني من ساعة ما جبت الموبايل وكل شوية حاجة تتهبب تبوظ من غير سبب منطقي واروح الزفت التوكيل واول حاجة بيقولها هنفتح يمكن في حاجة اتفكت من مكانها وماتحتاجش تتغير 

انما اللي كان موجود النهاردة ماكانش راضي ولا معترف اصلا ان في حاجة بتتهز 

وكان معاه تليفون مخليه معاه عل ودنه وكلمني وهو واقف ومشي .. مش عارفة اندم كام مرة على تعاملي مع سامسونج . رابع مرة حاجة تبوظ ومن غير سبب 

ودافعة ٤ الاف في التوكيل 

غير اهه المايك بالف ونص

وكمان توكيل غير مهني ومش امين 

[AlSheikhFaresKilanid]

فعلا بعض فروع توكيل سامسونج مصر أسلوبهم زفت مع العملاء

[Noha_A52S]

حاجة زفت .. يعني يدفعني الف ونص ومش هاين عليه يتعب نص ساعة وكان ممكن يحللي المشكلة

[AlSheikhFaresKilanid]

فعلا المشكلة إنه الأشكال دي هي إللي بتكره الناس في الشركة وبتخسرها المفروض الشركة الأم تراقب سامسونج مصر وتشد عليهم لأنهم في حالة تدهور شديدة

[mostafamhmoud71]

المشكلة أنهم مش بيصلحوا دول بيغيروا القطع علطول وغالبا الألف ونص دي تمن البوردة اللي عليها المايك مش تمن المايك بس

[Noha_A52S]

بس طبعا ممكن تكون حاجة اتحركت ومحتاجة تتثبت مكانها بس ومايكنش محتاج تغيير كامل .. ليه ندفع تكلفة تغيير عالية جدا كل شوية وبدون سبب يعتبر.. ما كلنا عايشين في ظروف لا يعلم بيها الاربنا .. وليه اصلا هو يبوظ من اقل حاجة .. ما اي موبايل في الدنيا وارد يقع .. امال لو وقع من مكان مرتفع شوية او على ارض المفروض ينفجر يعني .. خامات ايه دي وتقفيل ايه ده .. وليه الاستهتار بتعبنا وفلوسنا واستخسارهم انهم يحلو المشكلو ويوفرو علينا فلوس ..
لما هو خاماته سيئة يبقى يوفرو خدمة عملاء وصيانة محترمة طيب

[mostafamhmoud71]

الجهاز دا من فلتات سامسونج ومتكررش تاني لحد النهاردة بس ممكن يكون سوء حظ وأي توكيل في مصر مش بيصلح بيغير عشان ميدخلش نفسه في حوارات فأسهل حاجة فك وتغيير

[cgxv]

سامسونج جالكسي اي 52 5 جرام هذا الهاتف قديم جدا ولا يتطابق مع احدث الاصدارات الحاليه مثل اندرويد 15 واندرويد 16 كما ان الهاتف قديم جدا من سامسونج فمن الصعب اصلاحه بالطرق الاعتياديه كما ان التغيير طاقم الموظفين يؤثر ايضا على الطريقه عملهم والبيئه التي يعملون بها فنرجو من حضراتكم تغيير الموبايل للتعامل بصفه افضل

[cgxv]

لانه عندما يكون الهاتف رسميا من سامسونج 15 واي 16 او اي 25 اي 26 اي 24 يمكننا ان نتعامل مع تلك الاصدارات بصفه ادق ويمكننا ايضا تقديم بعض الشكاوى لمهندسي سامسونج اما مع هذا الاصدار القديم فلا يمكننا فعل اي من ذلك بسبب ان الاصدار لا يتوافق مع هذه الاجراءات

[Noha_A52S]

حضرتك ده samsung A 52s .. انت انسان ولا روبوت ..