Note 8 screen شاشة نوت ٨

[MASsoliman]

شاشة الموبايل نوت ٨ اتكسرت وسألت في فرع توكيل سامسونج  قال ان التكلفة حوالي ٤٠٠٠ جنيه علشان الجهاز دولي مش محلي  ومع تغيير الشاشة هيتم تغيير البطارية بنفس التكلفة.

وخايف من فك الموبايل أو ميكونش عندهم خبرة كافية والموبايل يبوظ خالص.

 السؤال هل تنصحوني أغيرها ولا أصبر واشتري حاجة تانية؟

أرجو المساعدة.

[amloser00]

لو الجهاز معاك من فترة وهتصرف 4 آلاف جنيه تبقي اهبل الصراحة هههه
يعني معني قصدي انك تحط علي ال 4 آلاف جنيه حوالي علي الفين كمان وتجبلك تلفيون احسن منه وقابل للتحديث لاندرويد ١١ كمان
وده من رأيي الصراحة 🙂

[MASsoliman]

عايز اعرفك ان أداء البطارية بدأ يقل ، ولما عرفت انها هتتغير مع الشاشة قلت ما انا كده هجدد الموبايل ويستمر معايا مدة وبعدين اعمل upgrade
بس خوفي ان الموبايل يبوظ فيه حاجة تانية وهما بيصلحوه

[amloser00]

بس تليفونك من نوع 2018 وقديم نوعا ما
وكمان مش مدعم التحديث اندرويد ١٠ ولا ١١
نعم اه إمكانيات جهازك حلوة ولكن مش هيبقي فيه مميزات معاصرة للان
ودي من وجهة نظري
وبدل مأنت تسرف عليه ٤ آلاف وانت اصلا مش ضامن ان اللي هيصلحولك التليفون بطريقة صحيحة ولا لأ او مش هيعمله فيه عيب علي سبيل المثال

فأنا انصحك بأنك تشتري جهاز بي ٦ آلاف وخلاص وهيبقي الجهاز مدعم لاندرويد ١١ وكمان إمكانياته هتبقي احسن من النوت ٨ ده بالنسبة بإمكانيات الهواتف في السوق دلوقتي مقارنة بأسعارهم اللي مش تتشاف اصلا
XD:

[Georgeyahia]

ده رأئى برده ❤😍

[aliazzz]

نوت ٨ ب١٠ الف جنيه يعني كويس ٤ لصيانه اقل من نص ثمن

[MASsoliman]

وكمان ميزة تغيير البطارية بواحدة جديدة محفزاني بس خايف ان ميكونش عندهم خبرة كافية

[amloser00]

بس الجهاز قديم جدااا ومعاه من فترة كمان
ليه يعني يسرف عليه ٤ آلاف😂😂

لو كان التليفون لسة جديد
فهنقول اه يستحق لان الراجل لسة شاريه ولكن التليفون معاه بقاله فترة
يبقي ليه يسرف عليه كان هاتف بي ٦ لان مثلا ولو زود الفين او ٣ آلاف
هتجيب ٨ رام مع معالج قوي من سناب دراجون

[abdallah11796]

الشاشه شغاله والتاتش شغال ولا فاصله خالص؟

[MASsoliman]

اولا معذرة على التأخير
ثانيا الشاشة والتاتش شغالين كويس الحمد لله والكسور في أطراف الشاشة بس في أماكن متفرقة والشروخ مش مؤثرة على الرؤية أوي