لو سمحتم انا عندي مشكله في الشبكه نوت 20 الترا وكلمت خدمه عملاء الدعم الفني لدرجه ان الزميل وهو بيكلمني قال بالفعل كده الجهاز يعتبر في مشكله على الصوت اللي انا سامعه وتقطيع الشبكه ده و اتحكم في الجهاز عن طريق الابلكيشن اللي هو بيسمح له ان هو يتحكم في الجهاز وبرده ما فيش فايده قال ظهر قدامي ان الجهاز ما فيش فيه اي مشكله روح الفرع اقرب فرع خدمه عملاء سامسونج دعم فني ورحت الفرع اتقال ان الشبكه كده طبيعيه ما فيش فيها حاجه طب ازاي مع ان هي الشبكه بتكون مقطوعه في المكان المفروض الشبكه تكون في كومبليت اصلا وبحثت ع النت في كتير منزلين نفس المشكله دي وبيقولوا ان ده عيب صناعه في الموديل ده ف يعني ده عيب صناعه فعلا ولا ايه المشكله؟!
مساء الخير يا فندم مع حضرتك اية من سامسونج مصر بنشكرك جدا على طرح سؤالك وبنتمنى لحضرتك يوم سعيد بناءا على سؤالك استاذنك نتبع بعض الخطوات كالتالي: ضبط - المزيد - المزيد من الشبكات - شبكات الهاتف المحموله - نمط الشبكة - حضرتك بتختار شبكة اخرى غير الشبكة المستخدمة ممكن حضرتك تجرب وضع الطيران ثم تشغيله مرة أخرى لتنشيط الشبكة يمكنك اختبار الشبكة من خلال *#0011# فى حالة ان الشريحه الاخرى تعمل اذا المشكلة فى الشريحه الاولى وبرجاء التواصل مع مطور الشبكه الخاصة بالشريحه فى حالة ان المشكلة مستمرة اثناء تجربة الشريحه الاخرى يرجى اعادة ضبط المصنع للجهاز.ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
