الموضوع ده فى كلام كتير ، و غالبا المواقع بتاخد من بعضها و تكتب تانى ، أنا كاتب منشور عن الموضوع ده تقدر تقراه لو حابب
بشكل عام :
متسيبش الموبايل يفصل منك خالص " طبعا لو تقدر ، فى حالات إستثنائية زى إنك تكون مستعجل و نسيت تشحنه و مش معاك شاحن هتعمل إيه يعنى ... غصب عنك "
متسيبهوش فى الشاحن و هو مكتمل الشحن " أو غير مكتمل الشحن " لفترات طويلة
تجنب الشحن السريع طالما مش محتاجه " إلا إذا كنت مستعجل طبعا "
متشحنهوش شحنات قصيرة تحت ال 50 % يعنى ميبقاش هو 5% و تشحنه لغاية 20 % مثلا و تفصله من الشاحن لان الموضوع ده ضار جدا للبطارية
متشحنهوش لو البطارية فوق ال 70% مثلا لأن برده ده متعب للبطارية
متلعب games بتستهلك بطارية بشكل كبير و بتسخن التليفون لفترات طويلة ، تجنب إنك تلعب و أنت بتشحن التليفون لأن ده بيزيد درجة حرارة الجهاز أكتر و هيخليه باخد وقت أطول عشان يشحن و الاتنين بيتعبو البطارية
بناءا على نصائح عن الشحن على موقع Apple و موقع Samsung يستحسن دائما إنك تخلى الشحن فوق ال 50 % ٣در المستطاع
